ޕީޕީއެމް/ޕީއެންސީގެ ރީޔާސީ ކެންޑިޑޭޓް ޑރ. މުހައްމަދު މުޢިއްޒު ގެ ރިޔާސީ މެނިފެސްޓޯ ގައި، ސްރީލަންކާގައި ދިރިއުޅެމުންދާ، ދިވެހިންނަށް ހުރިކަންކަން ޢިއުލާން ކުރުމަށް، މާދަމާ ޚާއްސަ ޖަލްސާއެއް ބޭއްވުމަށް ހަމަޖެހިއްޖެ އެވެ.

ޕީޕީއެމް ޕީއެންސީގެ ލީޑަރޝިޕް ގެ އިސްބޭފުޅުން ބައިވެރިވެވަޑައިގެން ލަންކާގެ ދެހިވަލަ ގައި ކުރިއަށް ގެންދާ މި ޖަލްސާ އޮންނާނީ މާދަމާ ހަވީރު، ލަންކާ ގަޑިން 16:30 ގައި، 'ލޯޑްސް ބެންޗުއެޓް ހޯލް' ގައި ކަމަށް އެ ކޯލިޝަނުން ބުނެއެވެ.

މިކަމާއި ގުޅޭ ގޮތުން 'ވޮއިސް' އަށް އިތުރު މައުލޫމާތު ދެއްވަމުން، ރައީސް އަބްދުالله ޔާމީން އަބްދުލްގައްޔޫމް ގެ ސަރުކާރުގައި، ލަންކާ އެމްބަސީގެ ތާޑް ސެކެޓަރީގެ މަގާމު އަދާކުރެއްވި، އަބްދުލްް ރަޝީދު އާދަމް ވިދާޅުވީ، މި މެނިފެސްޓޯ އިއުލާން ކުރުމުގެ ބައްދަލުމަކީ ލަންކާގައި ދިރިއުޅޭ އެންމެހާ ދިވެހިންނަށްވެސް އުއްމީދުން ފުރިގެންވާ މެނިފެސްޓޯ އަކަށް ވާނެ ކަމަށެވެ. އެހެންކަމުން ވޭހާވެސް ގިނަ ރައްޔިތުން އެ ބައްދަލު ވުމުގައި ބައިވެރިވުމަށް އޭނާ ވަނީ އެދިލައްވާފައެވެ.

މީގެ އިތުރުން, އަބްދުލް ރަޝީދު ވިދާޅުވީ، ޕީޕީއެމްގެ ލީޑަރ ރައީސް ޔާމީން ގެ ވެރިކަމުގައި ވެސް އެމަނިކުފާނު ލަންކާގައި ދިރިއުޅޭ ދިވެހި ރައްޔިތުންނަށް ގިނަ ވަޢުދުތަކެއްވެ، ވެރިކަމުގެ ފުރަތަމަ އަހަރުގެ ތެރޭގައި އެކަންކަން ފުއްދަވައި އެއަށްވުރެ އިތުރަށްވެސް ކަންކަން ކޮށްދެއްވި ކަމަށެވެ.

އެގޮތުން، ސޯސަންވިލާގައި، 'މޯލްޑިވިއަން އެޑިއުކޭޝަނަލް އެންޑް ކަލްޗަރަލް ސެންޓަރ' ގެ ނަމުގައި ތަނެއް ހުޅުވައި، އެތަނުގައި ޒުވާނުންނަށް އެކިއެކި ކުޅިވަރުތައް ކުޅުމުގެ ފުރުސަތު ޒުވާނުންނަށް ހުޅުވާލެވި، އަދި ދިވެހިރާއްޖޭގެ ތައުލީމީ މަންހަޖާއި އެއްގޮތަށް، ދިވެހި، އިސްލާމް އަދި ގުރުއާން ވެސް ކިޔަވައިދީ، އެސްއެސްސީ އިމްތިހާނުވެސް ލަންކާގައި ތިބެގެން ހެދުމުގެ ފުރުސަތު ދެވިގެން ދިޔަކަން އޭނާ ފަހަގަކުރެއްވިއެވެ.

މީގެ އިތުރުން، ގައުމީ ދުވަހާއި، އެނޫންވެސް ދިވެހިރާއްޖޭގައި ފާހަގަކުރާ ޚާއްސަ ދުވަސްތައް ކުލަ ގަދަކޮށް އެތަނުގައި ފާހަކުރެވުނު ކަމަށް، ޔާމީންގެ ވެރިކަމުގައި އެތަނުގައި ހަވާލުވެ ހުންނެވި އަބްދުއް ރަޝީދު ފަހަގަކުރެއްވިއެވެ.

އަބްދުއްރަޝީދު ވިދާޅުވީ، މުޢިއްޒުގެ ވެރިކަމެއްގައިވެސް އެފަދަ މުހިންމު އެތައް ކަމެއް ލަންކާގައި ދިރިއުޅޭ ދިވެހީންނަށް ހުރި، ކަމަށާ، އެކަންކަން އެ ޖަލްސާގެ ތެރެއިން އެނގިގެންދާނެ ކަމަށެވެ.