މިރޭ މާލޭގައި ހަވާ އެރުވުމަށް ހަމަޖެހިއްޖެއެވެ.
އެމްއެންޑީއެފް އިން ބުނީ، "އިންޑިއަން އޯޝަން އައިލެންޑްސް ގޭމްސް 2023" ގައި ދިވެހިރާއްޖެއިން ހޯދި ކާމިޔާބީ ފާހަގަކުރުމުގެ ގޮތުން މިރޭ 21:00ގައި ޢިއްޒުއްދީން ފާލަން ސަރަހައްދުގައި ހަވާއެރުވުމަށް ހަމަޖެހިފައިވާ ކަމަށެވެ.
އަދި ހަވާ އެރުވުން ކުރިއަށްދާނީ ގާތްގަނޑަކަށް 10 މިނެޓެއްހާއިރު ކަމަށްވެސް އެ އިދާރާއިން މައުލޫމާތު ދެއެވެ.
އައިއޯއައިޖީގައި ބައިވެރިވި ދިވެހި އެތްލީޓުން ހޯދި ރަން ކާމިޔާބީތައް ފާހަގަކޮށް މަރުޙަބާ ކިޔުމަށް މިރޭ 21:00ގައި ރަތް ދޫލައިން ޖުމްހޫރީ މައިދާން ފުރާލުމަށް ޔޫތު މިނިސްޓްރީން ވަނީ އެދިފައެވެ.
އަދި މި ޤައުމީ އިވެންޓުގައި ވީހާވެސް ގިނަ ރައްޔިތުން ބައިވެރިވަޑައިގެންދެއްވުންއެދި ޔޫތު މިނިސްޓަރ މަހުލޫފް ވަނީ ދައުވަތުއަރުވައިފައެވެ.
މިއަހަރުގެ އައިއޯއައިޖީ ކުޅިވަރު މުބާރާތްތަކުގައި ބައިވެރިވި ދިވެހިން ވަނީ ފާހަގަކުރެވޭ ވަރުގެ ކާމިޔާބީތަކެއް ހޯދައިފައެވެ.
Advertisement
This content is created and paid for by advertisers and does not involve Voice Journalists
