ކުރީގެ ރައީސް އަބްދުالله ޔާމީންގެ ސަރުކާރުގައި ސައުދީގެ އެހީގައި އިމާރާތް ކުރި ސަލްމާން މިސްކިތް ހަލާކުވަމުންދާއިރު، އެ މައްސަލާގައި އިސްލާމިކް މިނިސްޓްރީން ހަނު ހުންނަން ނިންމައިފި އެވެ.
ރައީސް ޔާމީންގެ ވެރިކަމުގައި ހެދުނު އެ މިސްކިތް ރަސްމީކޮށް ނުހުޅުވައި އެތައް ދުވަހަކު ބޭއްވުމަށްފަހު، ރަސްމީކޮށް ނުހުޅުވައި ފާއިތުވި އަހަރު ވަނީ، އެތަނުގައި ނަމާދު ކުރަން ފަށާފައެވެ. މާލޭގައި ހުންނަ އެހެން ގިނަ މިސްކިތް ތަކާއި ޚިލާފަށް އެ މިސްކިތަކީ އިސްލާމިކް މިނިސްޓްރީގެ ބެލުމުގެ ދަށުގައިވާ މިސްކިތެކެވެ.
މިސްކިތް ރަސްމީކޮށް ނުހުޅުވައި ބޭނުން ކުރަން ފެށިފަހުން ވެސް ތަނަށް އަޅާ ނުލާ، ފަރުވާ ކުޑަ ކުރާ މައްސަލަ ދޭތެރެ ދޭތެރެއިން އަންނަނީ ފެންމަތިވަމުންނެވެ. އެގޮތުން، މިހާރުވެސް އެތަނުގެ އިސްކުރު ބަރި ހުންނަ ތަން ވަނީ ދަބަރު ޖަހައި ހަލާކުވެފައެވެ.
މި ކަން އިސްލާމިކު މިނިސްޓްރީގެ ސަމާލުކަމަށް ގެނެސް، އެތަން މަރާމާތު ކުރަން އެއްވެސް ކަމެއް ކޮށްފައި ވޭތޯ ބަލަން މިނިސްޓްރީ އާ ގުޅޭތޯ 'ވޮއިސް' އިން ދެދުވަސް ވަންދެން އެތައް ފަހަރަކު ކުރި މަސައްކަތް ވަނީ ނާކާމިޔާބު ވެފައެވެ. އަދި މެސެޖު ކޮށްގެންވެސް އެ ކަމަށް މިނިސްޓްރީގެ ޖަވާބެއް ވަނީ ލިބޭގޮތް ނުވެފައެވެ.
ގާތްގަނޑަކަށް 24 މިލިއަން ޑޮލަރު (370 މިލިއަން ރުފިޔާ) ހަރަދު ކޮށްގެން އިމާރާތް ކުރި ސަލްމާން މިސްކިތް ބޭނުން ކުރަން ފެށި ފަހުން މިސްކިތުގެ އޭސީ ހަލާކުވެފައި ހުންނަ މައްސަލަ ވެސް ކުރިން ފެންމަތިވިއެވެ. އެކަންވެސް ހައްލު ނުވެ އެތައް މަސްދުވަސް ހޭދަވިއެވެ.
Advertisement
This content is created and paid for by advertisers and does not involve Voice Journalists
