ރާއްޖޭގެ ފުޓްބޯޅަ ބަދަލު ކުރަން ޖެހޭ ކަމަށް ގޮވާލައި ސޯޝަލް މީޑިއާ އާއި ވައިބާ ގުރޫޕްތަކުގައި ކަންބޮޑުވުން ފާޅުކުރުމުގެ ތެރެއިން އުފަން ކުރި "ސޭވް އެފްއޭއެމް" ކެމްޕޭނުގެ ހާއްސަ ހަރަކާތެއް ބުދަ ދުވަހު އެފްއޭއެމް ކުރިމަތީގައި ކުރިއަށް ގެންދިއުމަށް ހަމަޖެހިއްޖެއެވެ.
ދިވެހިރާއްޖޭގެ ފުޓުބޯޅަ މިވަގުތު ވެއްޓިފައިވާ އަނދަވަޅުން ނަގައި ކޮޅަށް ޖެހުމުގެ ގޮތުން ހިނގާ ސޭވްއެފްއޭއެމް ކެމްޕެއިންގެ ދަށުން ބުދަ ދުވަހު ބާއްވާ މި ހަރަކާތުގެ ތެރެއިން ކެމްޕެއިންގެ އިސްވެރިން އެފްއޭއެމްގެ ރައީސް ބައްސާމްއާއި ބައްދަލުކުރުމަށް ހަމަޖެހިފައިވާ ކަމަށާއި ބައްދަލުވުމަށްފަހު ނޫވެސްވެރިންނަށް މައުލޫމާތު ދިނުންވެސް ކުރިއަށް ދާނެ ކަމުގައި ސޭވްއެފްއޭއެމް ފައުންޑަރ ސަލްސާ އާމިރް ވަނީ ވޮއިސް އަށް މައުލޫމާތު ދެއްވާފައެވެ.
ސޭވް އެފްއޭއެމްގެ ހަރާކާތް
މި ހަރަކާތުގައި ފުޓުބޯޅަ ކްލަބްތަކުގެ ފަރާތުންވެސް ބައިވެރިވުމަށް ވަނީ ހަމަޖެހިފައެވެ.
ސެޕްޓެމްބަރު 13 ވާ ބުދަ ދުވަހު މެންދުރުފަހު 13:00 ގައި ކުރިއަށް ގެންދިއުމަށް ހަމަޖެހިފައިވާ މި ހަރަކާތުގައި ފުޓުބޯޅައަށް ލޯބި ކުރާ އެންމެހައި ފަރާތްތަކުން ބައިވެރިވުމަށް ސޭވްއެފްއޭއެމް ޓީމުން ވަނީ ދައުވަތު ދީފައެވެ.
Advertisement
This content is created and paid for by advertisers and does not involve Voice Journalists
