ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުޙައްމަދު މުއިއްޒު ރިޔާސީ ކެމްޕޭނަށް ހުޅުމާލޭ ދެވަނަ ފިޔަވަހި (ހިޔާ ސަރަހައްދަށް) ވަޑައިގަތުމުން ރައްޔިތުން ނިކުމެ އެ ސަރަހައްދުން އެމަނިކުފާނަށް އޮތް ތާއީދު ދައްކާލައިފި އެވެ. 

ރިޔާސީ ކެންޕޭނަށް ހުކުރު ދުވަހުގެ ހަވީރު ޑރ މުއިއްޒު ހުޅުމާލެ ދެވަނަ ފިޔަވައްސަށް ވަޑައިގަތުމުން ހިޔާ ފްލެޓުތަކުގައި ދިއިރުޅޭ ރައްޔިތުން ވަނީ އެމަނިކުފާނަށް ވަރަށް ހޫނު މަރުހަބާއެއް ކިޔައިފައެެވެ.

މުއިއްޒު ވަޑައިގަތުމުން އެ ރައްޔިތުންނެއް ވަނީ އެމަނިކުފާނުގެ އިސްތިގުބާލަށް ނިކުމެ ހުޅުމާލެ ދެވަނަ ފިޔަވަހިން ޑރ މުއިއްޒަށް އޮތް ތާއީދު ދައްކައިދީފައެވެ. 

ހިޔާ ސަރަހައްދުން ޑރ މުއިއްޒަށް މަރުހަބާ ދަންނަވަން ނިކުތް ރައްޔިތުން

ހުޅުމާލެ ދެވަަނަ ފިޔަވައްސަކީ ރައީސް ޔާމީން ގެ ސަރުކާރުގައި ހިއްކާ މާލެ ސަރަހައްދުގައި ދިރިއުޅޭ ރައްޔިތުންނަށް ބޯހިޔާވަހިކަން ފޯރުކޯށްދިނުމަށް ބިޔަ މަޝްރޫއެއް ހިންގަން ފެއްޓެވި ސަރަހައްދެކެވެ. އެގޮތުން ހިޔާ މަޝްރޫގެ ނަމުގައި ރައީސް ޔަމީން ގެ ޒައާމަތުގައިވަނީ ހުޅުމާލެ ދެވަނަ ފިޔަވަހީގައި 25 ބުރީގެ 16 ޓަވަރު އެޅުމުގެ ބިޔަ މަޝްރޫއެއް ފައްޓަވާ އޭގެ ތެރެއިން 7 ޓަވަރުގެ  އަމަލީ މަސައްކަތް މުޅިން ނިންމަވާދެއްވާފަ އެވެ.

ރައީސް ޔާމީންގެ ވެރިކަން ބަދަލުވި ހިސާބުން، ހިޔާ ފްލެޓުތަކަށް މި ސަރުކާރުން ބޮޑެތި އިހުމާލުތައް ވެފައިވާކަން ފާހަގަކުރެވެއެވެ. އެގޮތުން އޭރު ފްލެޓު ދީފައިވާ މީހުންގެ ލިސްޓަށް ބޮޑެތި ބަދަލުތަކެއް ނެގެސް، ބައެއް ކެޓަގަރީތައް އުވާލާ އަދި ފްލެޓު ލިބިފައި ތިބި ފަރާތްތަކުގެ އަތުން ފްލެޓު އަތުލުމާއި، ހިޔާ ފްލެޓުތަކުގެ ފިނިޝިން މަސައްކަތް ނުނިންމާ ފްލެޓުތައް ހަވާލުކުރުމުގެ އިތުރުން ފްލެޓުތަކުގެ ކުލި ބޮޑުކުރުމަކީ ހިޔާ ފްލެޓުތަކުގެ ދިރިއުޅޭން ނިންމައިގެން ތިބި އެތައް އާއިލާއަކަށް ސަރުކާރުން ވީ އިހުމާލެއްގެ ގޮތުގައި ފްލެޓު ލިބުނު ގިނަ ބަޔަކު ދަނީ ބުނަމުންނެވެ.

ޑރ މުއިއްޒު ހިޔާ ސަރަހައްދުގެ ރައްޔިތުންނާއި މުޚާތަބުކޮށް ވާހަކަދައްކަވަނީ

އެހެން ނަމަވެސް ބޯހިޔާވަހިކަމަކީ އެންމެ އިސްކަމެއް ދެއްވާނެ ސިޔާސަތުތަކަށް އިއުލާނުކުރައްވާ ޑރ މުއިއްޒު ވަނީ ހިޔާ ފުލެޓުތަކުގައި ދިރިއުޅޭ ރައްޔިތުންގެ މައްސަލަތައް ޙައްލުކޮށްދެއްވާނެ ކަމުގެ ޔަގީންކަން ދެއްވާފަ އެވެ.

ހިޔާ ފްލެޓުތަކުގެ ކުލި ކުރިންވެސް ކަނޑައަޅާފައިވާ އަގަށް ތިރިކޮށްދިނުމާއި، ފްލެޓުތަކަށް ރައްޔިތުން ޖީބުން ކުރަން ޖެހުނު ޙަރަދު އަނބުރާ ހޯއްދަވާދެއްވާނެ ކަމުގެ ޔަގީންކަން ވެސް ޑރ މުއިއްޒު ވަނީ ދެއްވާފަ އެވެ.

ޑރ މުއިއްޒު ހިޔާ ސަރަހައްދަށް ޒިޔާރަތްކުރުމުން މަރުހަބާ ދެންނެވުމަށް ނިކުތް ގިނަ އަދަދެއްގެ ރައްޔިތުން ވަނީ މި އިންތިޚާބު އެމަނިކުފާނަށް ކާމިޔާބު ކޮށްދިނުމަށް ކުރެވެން އޮތް ހާ މަސައްކަތެއް ކޮށްދޭނެ ކަމުގެ ޔަގީންކަން ދެއްވާފަ އެވެ. އަދި އެމަނިކުފާނުގެ ކެމްޕޭނު ޝިއާރުގެ އަޑު އުފުލާ، އެމަނިކުފާނަށް ވޯޓު ދެއްވުމަށް އެ ރައްޔިތުން ވަނީ ގޮވާލާ އަޑުއުފުލާފަ އެވެ.

ހިޔާ ސަރަހައްދަށް ޑރ މުއިއްޒު ވަޑައިގަތުމުން މަރުހަބާ ކިޔަނީ

ހިޔާ ސަރަހައްދުން ޑރ މުއިއްޒަށް މަރުހަބާ ދަންނަވަން ނިކުތް ގިނަ ރައްޔިތުން ބުނާ ގޮތުގައި، ބޯހިޔާވަހިކަމުގެ މައްސަލަ ޙައްލުކުރުމަށް ޑރ މުއިއްޒު ގެންގުޅުއްވާ ސިޔާސަތު ޤަބޫލުކުރާ ކަމަށާއި، އެ ސިޔާސަތުގެ ތެރެއިން ރާއްޖެއަށް ދިމާވެފައިވާ ބޯހިޔާވަހިކަމުގެ މައްސަލަ ޙައްލުކުރެވޭނެ ސިޔާސަތެކެވެ.