އެސްއެސްސީ އިމްތިހާނުގައި ގުރުއާން މާއްދާ ހިމެނުން ފަސްކުރީ ކަމަށްބުނެ، އެ މައްދާ މިހާރު އުވާލާފައިވާ ކަމަށް ރައްޔިތުންގެ އިއްތިހާދުން ބުނެފިއެވެ.
ރައްޔިތުންގެ އިއްތިހާދުން ނެރުނު ބަޔާނެއްގައި ބުނީ، 2020 ވަނަ އަހަރުގެ އެސްއެސްސީ އިމްތިޙާނުގައި ޤުރްއާން މާއްދާ ހިމަނާފައިވާ ކަމަށެވެ. އެހެންނަމަވެސް, އެއިމްތިޙާނަށް ދަރިވަރުން ތައްޔާރު ނުވެވޭކަމަށް ބުނެ "ބަޔަކު އަޑީގައި ތިބެގެން" 2019 ވަނަ އަހަރުގެ ޑިސެމްބަރ މަހުގެ 18 ވަނަ ދުވަހު 400 އެއްހާ ބެލެނިވެރިން ލައްވައި އެޑިއުކޭޝަން މިނިސްޓާރު ޢާއިޝަތު ޢަލީއަށް ޕެޓިޝަނެއް އެރުވި ކަމަށާ، އެހެން އެކަން ކުރީި އެސްއެސްސީ އިމްތިހާނުގައި ޤުރްއާން މާއްދާ ނެގުން ފެށުނަ ނުދީ އެކަމަށް ހުރަސްއަޅަން ކަމަށް އެ ޖަމިއްޔާ އިން ތުހުމަތު ކުރެއެވެ.
އެ ޕެޓިޝަން ހުށަހަޅާފައި ވަނިކޮށް އެއިމްތިޙާނު ބޭއްވުމުގެ ކަންކަން ކުރިއަށް ގެންގޮސްދެއްވުން އެދި 1000 އަށް ވުރެ ގިނަ ދިވެހި ރައްޔިތުންގެ ޕެޓިޝަނެއް ހުށަހެޅި ކަމަށާ، ނަމަވެސް އެ 1000 ރައްޔިތުންގެ އިލްތިމާސަށް އެއްވެސް މިންވަރަކަށް ބެލާލުމެއް ނެތި ސަރުކާރުން ނިންމެވީ އެސްއެސްސީ އިމްތިޙާނު 1 އަހަރަށް ލަސްކުރުމަށް ކަންވެސް އޭގައި ފާހަގަ ކޮށްފައިވެ އެވެ.
އަދި ދެން ޖެހިގެން އަންނަ އަހަރުގައި ދަރިވަރުން އެއިމްތިޙާނަށް ތައްޔާރު ކުރުމަށް ކަމަށް ބުނެ ރައްޔިތުންގެ ލޮލުގައި އަނދުން އެޅުވުމަށް ފަހު، 2020 ވަނަ އަހަރު އެސްއެސްސީ ޤުރްއާން އިމްތިޙާން ކެންސަލް ކުރިކަމަށް އެބަޔާނުގައި ވެއެވެ.
މިއަދު މިއޮތީ އޭގެ ފަހުން 3 އަހަރު ފާއިތުވެގެން ގޮސްފައެވެ. އައު ދިރާސީ އަހަރެއް ފެށިފައެވެ. ނަމަވެސް، އަދި އަދަށް ދާންދެން ވެސް މިސަރުކާރުގެ އެޑިއުކޭޝަނުގެ ފަރާތުން އެސްއެސްސީ ޤުރްއާން އިމްތިޙާނަށް، އޭރު އެބޭފުޅުން ބުނި ފަދައަކުން، ދަރިވަރުންތައް ތައްޔާރު ކުރާ މަންޒަރެއް ފެންނާކަށް ނެތެވެ.
ރައްޔިތުންގެ އިއްތިހާދު
ވުމާއެކު، އެސްއެސްސީގެ ޤުރްއާން އިމްތިޙާނު 2020 ވަނަ އަހަރުން ފަސްކޮށްލީ ކަމަށް ބުނެ ކެންސަލް ކުރީ، އޭގެ ފަހުން އަންނަން އޮތް އަހަރުތަކުގައި ވެސް އެ އިމްތިޙާނުން ދިވެހި އެންމެހާ ދަރިވަރުން މަޙްރޫމު ކުރުމުގެ ނުބައިވެގެންވާ އެޖެންޑާގެ ދަށުން ކަމަށް ބުނެ ރައްޔިތުންގެ އިއްތިހާދުން ވަނީ އެކަން ކުށްވެރި ކޮށްފަ އެވެ.
Advertisement
This content is created and paid for by advertisers and does not involve Voice Journalists
