މިދިޔަ ހޮނިހިރު ދުވަހު ބޭއްވުނު ރިޔާސީ އިންތިހާބުގެ ދެވަނަބުރު ކާމިޔާބު ކުރައްވާ ދިވެހިރާއްޖޭގެ ވެރިކަމަށް ހޮވި ވަޑައިގެން އައު އިބްތިހާބީ ރައީސުލްޖުމްހޫރިއްޔާ ޑރ މުހައްމަދު މުއިއްޒަށް ސްރީލަންކާގެ ކުރީގެ ރައީސް މަހިންދަ ރާޖަ ޕަކްސާވެސް ތަހުނިޔާ ފޮނުވައިފިއެވެ.
އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުއަށް ތަހުނިޔާ ފޮނުވައި ރާޖަ ޕަކްސާ ކުރެއްވި ޓުވީޓެއްގައި ބުނެފައިވަނީ ރިޔާސީ އިންތިހާބު ކާމިޔާބު ކުރައްވާ އަލަށް ހޮވިވަޑައިގެން އައު ރައީސް ޑރ މުހައްމަދު މުއިއްޒަށް ވަރަށް ހޫނު މަރުހަބާއެއް ކިޔާ ކަމުގައެވެ.
އަދި ޑރ މުއިއްޒުގެ ވެރިކަމެއްގައި ދިވެހިރާއްޖެއާއި ސްރީލަންކާ ގެ ޒަމާންވީ ގުޅުމުގެ މުޅިން އައު ބާބެއް ފެނިގެން ދާނެކަމުގައި އުންމީދުކުރައްވާ ކަމަށްވެސް އެ ޓުވީޓުގައި ބުނެފައިވެއެވެ.
އަވައްޓެރި އެހެނިހެން ގައުމުތަކުގެ ލީޑަރުން ވެސް އިންތިޚާބީ ރައީސަށް މަރުހަބާ ވިދާޅުވެފައިވެއެވެ. އޭގެ ތެރޭގައި އިންޑިއާގެ ބޮޑުވަޒީރު ނަރެންދުރަ މޯދީ ވެސް ހިމެނިވަޑައިގަންނަވައެވެ. އަދި ޕާކިސްތާނުން ވެސް ވަނީ މުއިއްޒަށް މަރުހަބާ ކިޔައިފައެވެ.
Advertisement
This content is created and paid for by advertisers and does not involve Voice Journalists
