ހައްދުފަހަނައަޅާފައިވާ އިޒްރާއިލްގެ ޔަހޫދީން ފަލަސްޠީނުގައި ހިންގަމުންދާ ޢުދުވާނުތަކާއި ދެކޮޅު ހަދައި، ދިވެހީން ފަލަސްތީނާއެކު ތިބިކަން ދުނިޔެއަށް ދައްކާލުމުގެ ގޮތުން މިރޭ މާލޭގައި ބޮޑު ހިނގާލުމެއް ބޭއްވުމަށް ހަމަޖެހިއްޖެއެވެ.
"ރައިޓް މޫވްމަންޓް" އާއި "އާއްމުންގެ އެކުވެރި ގުޅުން" އިން އިސްނަގައިގެން ގިނަ ޖަމިއްޔާ ތަކަކާއި ގުޅިގެން "ފަލަސްޠީނާއެކު ދިވެހީން" ނަމުގައި ބާއްވާ މި ހިނގާލުން ފެށުމަށް ހަމަޖެހިފައިވަނީ، މިރޭ 20:00 ގައި ރަސްފަންނު ސަރަހައްދުންނެވެ.
މި ބޮޑު ހިނގާލުމާއި ގުޅޭގޮތުން މަޢުލޫމާތު ދެމުން ރައިޓް މޫވްމަންޓް އިން ބުނެފައިވާ ގޮތުގައި، މިއީ ފަލަސްޠީނާއެކު ދިވެހިން ތިބިކަން އެންގުމުގެ އިތުރުން، ފަލަސްޠީނުގެ ރައްޔިތުންގެ އަތުން ބިން ފޭރިގަނެ، އެތަނުގައި ގަދަކަމުން ވެރިވެގެން ދިރިއުޅެމުންދާ އިސްރާއީލްގެ ޔަހޫދީ ފަތުރުވެރިން ރާއްޖެއައުން މަނާ ކުރުމަށް ދިވެހި ސަރުކާރަށް ގޮވާލުމަށްވެސް ބޭއްވޭ ހިނގާލުމެކެވެ. އެގޮތުން އިސްރާއީލްގެ އެއްވެސް މީހަކު ރާއްޖޭއިން ހިމާޔަތް ހޯދުމާއި ދެކޮޅުކަށް ވެސް އިހްތިޖާޖުގެ ތެރެއިން އަޑު އުފުލާނެ ކަމަށް ބުނެފައިވެއެވެ.
މީގެ އިތުރުން، ފަލަސްތީނާއި ގުޅިގެން، ވާހަކަ ދެއްކުމާއި، ބޯޑު ތަކުގައި ޝުޢޫރު ލިޔެގެން ފާޅުކުރުން ފަދަ ކަންކަން ވެސް މިހިނގާލުމުގެ ތެރެއިން ކުރިއަށް ގެންދިއުމަށް ނިންމާފައިވާއިރު، ރައިޓް މޫވްމަންޓް އިން ވަނީ، ހިނގާލުމަށް އަންނައިރު ކަޅުކުލައިގެ ހެދުމެއްގައި، ފަލަސްތީނުގެ ދިދައާއި ކުލަތައް ރަމްޒުކޮށްދޭ ސްކާފް ފަދަ ތަކެތި ހިނގާލުމަށް އަންނައިރު ބޭނުން ކުރުމަށް އެދިފައެވެ.
މިދިޔަ ހަފްތާގައިވެސް ދިވެހީން ފަލަސްތީނާއެކު ތިބިކަން އެންގުމަށް މުޅި ރާއްޖޭގައިހެން ހިނގާލުން ބާއްވާފައިވެއެވެ.
އަދި ދިވެހިރާއްޖެއަށް އިސްރާއީލްގެ ރައްޔިތުން އައުމާއި ދެކޮޅަށްވެސް ކެނޑިނޭޅި މީސްމީޑިއާގައި އާއްމުން ޝުޢޫރު ފާޅުކުރަމުންދާއިރު، އިސްރާއީލަށް އެ އަޑު އިވި، އެމީހުން ވަނީ އެމީހުންގެ އެއްވެސް މީހަކު މި ދަނޑިވަޅުގައި ރާއްޖެ ނައުމަށް އެދިފައެވެ.
Advertisement
This content is created and paid for by advertisers and does not involve Voice Journalists
