ހައްދުފަހަނައަޅާފައިވާ އިސްރާއީލްގެ ސިފައިން ފަލަސްޠީނުގެ ޣައްޒާގެ ރައްޔިތުންނާއި ދެކޮޅަށް ދެމުން ގެންދާ ހަމަލާތަކާ ދެކޮޅަށް ދިވެހީން ފަލަސްތީނުގެ ރައްޔިތުންނާއި އެކު ތިބިކަން ދައްކުވައިދިނުމުގެ ގޮތުން ކުރިއަށް ގެންދާ ސިލްސިލާ އެއްވުން "ދިވެހިރާއްޖޭ ފަލަސްތީނާއެކު" ގެ ހަރަކާތެއް މިރޭ ކުރިއަށް ތައްޔާރު ވެއްޖެއެވެ.
ރައިޓް މޫވްމަންޓްގެ ފަރާތުން ކުރިއަށް ގެންދާ މި ހަރަކާތް މިރޭ 20:00 ގައި އާރޓިފިޝަލް ބީޗު ސަރަހައްދުން ފެށުމަށް ހަމަ ޖެހިފައިވާކަމަށް އެ ފަރާތުން މައުލޫމާތު ދެއެވެ.
އަދި ހަމަ މީގެ އިތުރުން މި ހަރަކާތުގައި އިސްރާއީލުގެ ރަށްވެހިން ރާއްޖެ އަށް އެތެރެވުން މަނާ ކުރުމަށްގޮވާލާ ޕެޓިޝަން ގައި ސޮއި ކުރުން ކުރިޔަށް ދާނެ ކަމަށްވެސް ރައިޓް މޫވްމަންޓް އިން ވަނީ ބުނެފައެވެ.
ޔަހޫދީ އިސްރާއީލުގެ ސިފައިން ދެމުން ގެންދާ ހަމަލާތަކުގައި ޣައްޒާގެ ގިނަ އަދަދެއްގެ ރައްޔިތުން ޝަހީދުވަމުން ދާއިރު އޭގެ ތެރޭގައި ގިނަ އަދަދަކަށް ކުޑަކުދިންނާއި އަންހެނުންވެސް ހިމެނެއެވެ.
ޣައްޒާގެ ހާލުގައި ޖެހިފައިވާ ރައްޔިތުންނަށް އެހީވުމަށްޓަކައި މި މަހުގެ ކުރީކޮޅުން ފެށިގެން ގިނަ ހަރަކާތްތަކެެއް ރާއްޖޭގައި އަންނަނީ ކުރިއަށް ގެންދަމުންނެވެ.
Advertisement
This content is created and paid for by advertisers and does not involve Voice Journalists
