މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓްއަރއޮޕަރޭޓާސް (މަޓާޓޯ)،އިން ނޮވެމްބަރު މަހު ނެރެފައިވާ ނިއުސްލެޓަރ އާއި ބެހޭގޮތުން، ޓްއަރިޒަމް މިނިސްޓަރ، ޑރ.އަބުދުﷲ މައުސޫމް، މަޓާޓޯއިން މިނިސްޓަރގެ ސަމާލުކަމަށްޓަކައި ދީފައިވާ އެންމެހާ މައުލޫމާތާއި، މައުލޫމާތު އެކުކުލަވާލިގޮތާއި ހޯދާފައިވާ ފަރާތްތަކުގެ ސައްޙަ ނޫންކަމަށް ވިދާޅުވެ ނެރުއްވާފައިވާ ބަޔާނުގައިވާ އެންމެހާ ކަންކަމަށް، މަޓާޓޯއިން ރައްދު ދީފިއެވެ.

މަޓާޓޯއިން ނެރެފައިވާ ނޫސްބަޔާނުގައި ބުނެފައިވަނީ، އެ ޖަމުއިއްޔާއަކީ ކަމާބެހޭ އެންމެހާ ފަރާތްތަކާއި ވަރަށް ގާތްގުޅުމެއް ބާއްވާ، މިނިސްޓަރުންނާއިވެސް ދާއިމީގޮތެއްގައި މުއާމަލާތުކުރާ ބަޔަކު ކަމާއި، މިނިސްޓަރަށް މައުލޫމާތުގެ ސައްޙަކަމާއި މައުލޫމަތު އެކުލަވާލާގޮތް އޮޅުންފިލުވާދިނުމަށް ދީފައިވާ އަހުމިއްޔަތުކަމެވެ. އަދި ޖަމުއިއްޔާއިން އެންމެބޮޑު އަޙުމިއްޔަތު ކަމެއްދެވިފައިވާނީ، މި މައުލޫމާތުތަށް އޮޅުވާލައި ނަހަމަގޮތުގައި ބޭނުންކުރިޔަނުދިނުމަށްޓަކައި، މި މައުލޫމާތުގެ ސައްޙަކަން ކަށަވަރުކުމުމަށާއި ދެފުއްފެންނަގޮތްހެދުމަށް ކަމަށެވެ.

އެ ޖަމުއިއްޔާއިން ޓުއަރިޒަމް މިނިސްޓްރީގެ ސަމާލުކަމަށް ގެނުވާފައިވަނީ، ރާއްޖޭގެ އޮކިއުޕަންސީއަށް އައިސްފައިވާބަދަލެވެ.

Advertisement

1 ނޮވެމްބަރު 2023ގެ ނިޔަލަށް، ޖުމްލަ އޮޕަރޭޝަނަލް ކެޕޭސިޓީ 62،822 އެދުގެ މައްޗަށް އަލިއަޅުވާލާ ލިބެންހުރި ޖުމްލަ އެނދުގެ އަދަދުގެ ގޮތުގައި މިއަހަރުގެ ތެރޭގައި އޮކިއުޕައި ކުރެވިފައިވަނީ އެންމެ %51 އެެވެ.  މީގެ އިތުރުންވެސް، ރާއްޖޭގައި ފަތުރުވެރިން އެވަރެޖްކޮށް ހޭދަކުރާ މުއްދަތު ދަށަށްގޮސްފައިވާ ކަންވެސް މަޓާޓޯއިން ފާހަގަކޮށްފައިވެއެވެ. މިހެން ވުމުގެ ސަބަބަކީ، ޗައިނާއިން އަންނަ ފަތުރުވެރިންގެ އަދަދު މަތިވީނަމަވެސް، ރާއްޖޭގައި ހޭދަކުރާ މުއްދަތު ކުރުވުމެވެ. 
މިއަދަދުތަކަކީވެސް، މިނިސްޓްރީގެ ވީކްލީ އަޕްޑޭޓްސް އިން ވަރަށް ފަރުވާތެރިކަމާއި އެކު ނަގައި، 2022 ވަނަ އަހަރާއި 2023 ވަނަ އަހަރާ ބަލާ ހާމަކުރެވިފައިވާ މައުލޫމާތުކަން މަޓާޓޯއިން ހާމަކުރެއެވެ.

މީގެ އިތުރުން، މަޓާޓޯއިން ބުނެފައިވަނީ 2023 ވަނަ އަހަރުގެ ފުރަތަމަ 8 މަސް ދުވަހަށްބަލާ، ފާހަގަ ކުރެވޭވަރުގެ ވެއްޓުމެއް، މިސިނާއަތުން ލިބުނު އާމްދަނީ އަށް އައިސްފާ ކަމަށެވެ. އެމް.އެމް.އޭ. އިން ނަގާފައިވާ މައުލޫމާތަން ދައްކުވާދެނީ، ކުރީއަހަރާއި އަޅާބަލާއިރު، ޔޫ.އެ.ސް. ޑޮލަރު 160 މިލިއަން (2.5 ބިލިއަން) ދަށަށް ގޮސްފައިވާކަމެވެ، މިއީ %5 ގެ ވެއްޓުމެކެވެ. 

މީގެ އިތުރުންވެސް މަޓާޓޯއިން ޓުއަރިޒަމް މިނިސްޓްރީއަށް ރައްދު ދެމުން ބުނެފައި ވަނީ  މިނިސްޓަރއާއި އިންޑަސްޓްރީގެ ގުޅުން ކުޑަވެ، ހުރި ގިނަ ގޮންޖެހުންތަކުގެ މައުލޫމާތު ފުރިހަމައަށް ލިބެމުން ނުދާކަމަށެވެ.

އެންމެ ފަހުން އޮތް ޑަބްލިޔު.ޓީ.އެމް. ފެއަރ އާއި މިހާރު އިންޑަސްޓްރީން ދެކެމުންއަންނަގޮތުން ހާމަކޮށްދެނީ އޮކިއުޕެންސީ ރޭޓް ދަށްވަމުން އަންނަތަނާއި އަގުބޮުޑެތި ރެސޯޓުތަކުގެ، ރޫމްރޭޓްސް، އެންމެ ޕީކްދުވަސްވަރުގައިވެސް ދައްކުރާތަން ކަމަށް މަޓާޓޯއިން ނެރެފައިވާ ނޫސް ބަޔާނުގައި ވެއެވެ.

މަޓާޓޯ ގެ ޑޭޝްބޯރޑް، މައުލޫމާތު އެއްކުރެވިފައިވަނީ، އިތުބާރުހުރި ބައިނަލްއަގުވާމީ އަދި ގައުމީ އިދާރާތަކުންނެވެ. މީގެތެރޭގައި، ޔޫ.އެން.ޑަބުލިޔު.ޓީ.އޯ.، ޕާޓާ، މިނިސްޓްރީ އޮފް ޓުއަރިޒަމް، މީރާ އަދި އެމް.އެމް.އޭ. ހިމެނެއެވެ.