އިޒްރާއިލުން ޣައްޒާގައި ދެމުންދާ ހަމަލާތަކާއި ދެކޮޅުކަމާއި ޣައްޒާގެ މުސްލިމުންނާއި އެކު ތިބި ކަން ދައްކުވައިދިނުމަށް އިންޑިޔާގެ ބައެއް މުސްލިމުން ވިޔަފާރިވެރިން އިޒްރާއިލާއި އެމެރިކާގެ މުދާ ވިއްކުން ހުއްޓައިލައިފިއެވެ.
އިންޑިޔާގެ މުސްލިމް ކޮމިޔުނިޓީ އަކުން އަމިއްލަ އަށް އިސްނަގައިގެން ފެށި ބޮއިކޮޓް ކުރުމުގެ މި ހަރަކާތުގައި އިންޑިޔާގެ މުސްލިމް ވިޔަފާރިވެރިން އަންނަނީ ބައިވެރިވަމުންނެވެ.
އަލްޖަޒީރާ އާއި ވާހަކަ ދެއްކި އިންޑިޔާގެ ވިޔަފާރި ވެރިއަކު ބުނެފައިވަނީ ބޮއިކޮޓް ކުރުމުގެ ސަބަބުން އެމީހުންގެ ވިޔަފާރިއަށް ހީނަރުކަމެއް އަތުވެދާނެ ކަމަށެވެ. އިޒްރާއިލާއި ކުރިމަތިލައި އެމީހުންނާއި ހަނގުރާމަ ކުރެވެން ނެތް ކަމަށާއި އެހެންކަމުން އެމީހުންގެ މުދާ ބޮއިކޮޓް ކޮށްގެން ކުރެވެން އޮތް ކަމެއް ކުރާނެ ކަމަށެވެ.
ކޮކާކޯލާ އާއި ޕެޕްސީ ފަދަ ބުއިންތައް އެފަދަ ވިޔަފާރި ވެރިންގެ ފިހާރަތަކުގެ ހަރުތަކުން ނަގައި އެތަކެތި ވިއްކުން ވަނީ ހުއްޓައިލައިފައެވެ.
މިކަމާއި ބެހޭގޮތުން އަލްޖަޒީރާ އާއި ވަހަކަ ދެއްކި އިންޑިޔާގެ މުސްލިމް ކުއްޖަކު ބުނެފައިވަނީ ކުޑަކުދިން އެންމެ ލޯބިކުރާ އެންމެ މަޝްހޫރު ބްރޭންޑްތަކުން ހޯދާ ފައިސާ އަނިޔާވެރިވުމަށް ހޭދަކުރާކަމަށެވެ. އެތަކެތި ބޮއިކޮޓް ކުރީ އެހެންވެ ކަމަށް 9 އަހަރުގެ އަޝްހަރު ބުނެފައިވެއެވެ.
އިޒްރާއިލަށް ފަންޑުކުރާ ބްރޭންޑް ތަކުގެ ތަކެތި ވިއްކުން ހުއްޓާލުމުން އެފިހާރަތަކުން ވިޔަފާރި ކުރާ މީހުން އެހެން ބްރޭންޑްތަކުގެ ތަކެތި ގަތުމަށް އާދަވަމުންދާ ކަމަށް ވެސް އަލްޖަޒީރާއަށް މައުލޫމާތު ދިން އިންޑިޔާގެ ވިޔަފާރި ވެރިއަކު ވަނީ ބުނެފައެވެ.
ދުނިޔޭގެ މަޝްހޫރު ބިޔަ ބޮޑެތި ވިޔަފާރި ތަކުގެ ބާވަތްތައް ބޮއިކޮޓް ކުރުމަށް ގޮވާލަމުން އަންނަ އަޑު މިހާރު ދަނީ ގަދަވަމުނެވެ.
Advertisement
This content is created and paid for by advertisers and does not involve Voice Journalists
