އިންތިޚާބީ ރައީސުލްޖުމްހޫރިއްޔާ ޑރ މުހައްމަދު މުޢިއްޒު ހުވާ ކުރުމުގެ ރަސްމިއްޔާތާ ގުޅުވައި މާދަމާރޭ ހަވާ އަރުވާގޮތަށް ހަމަޖެހިއްޖެއެވެ.
އެމްއެންޑީއެފްއިން ބުނީ، ހަވާ އެރުވުމަށް ހަމަޖެހިފައިވަނީ މާދަމާރޭ 21:00 ގައި އިއްޒުއްދީން ފާލަން ކައިރީގައި ކަމަށެވެ. އަދި ހަވާ އަރުވާނީ ގާތްގަނޑަކަށް 5 މިނެޓަށް ކަމަށްވެސް ބުނެފައިވެއެވެ.
އިންތިޚާބީ ރައީސް ޑރ މުހައްމަދު މުއިއްޒު ހުވާ ކުރުމަށް ހަމަޖެހިފައިވަނީ މާދަމާ ހަވީރު ޖުމްހޫރީ މައިދާނުގައެވެ. ހުވާ ކުރުމުގެ އެ ރަސްމިއްޔާތުގެ އެންމެ ފަހުގެ ތައްޔާރީތައް މިހާރު ވަމުން އަންނައިރު، އެ ރަސްމިއްޔާތަށް އަންނަ ބޭރު ގައުމުތަކުގެ ވެރިންވެސް މިހާރު ވަނީ ވަޑައިގަންނަވަން ފަށްޓަވާފައެވެ.
ރައީސުލްޖުމްހޫރިއްޔާގެ ހުވާ ކުރުމުގެ ކަންކަމަކީ މަޖިލީހުން އިންތިޒާމް ކުރާ ކަމަކަށްވާއިރު، ރައްޔިތުންގެ މަޖިލީހުން ހުވާކުރުމުގެ ރަސްމިއްޔާތުގެ ހުރިހާ އިންތިޒާމުތަކެއް ހަމަޖެއްސުމަށް ހަވާލުކޮށްފައިވަނީ ސިވެކާއެވެ. އަދި އެ މަސައްކަތް ހަވާލުކުރެވިފައިވަނީ 22.9 މިލިއަން ރުފިޔާއަށް ކަމަށް މަޖިލީހުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
