މިއަދު ރައީސުލްޖުމްހޫރިއްޔާ ކަމުގެ މަގާމާއި ހަވާލުވެވަޑައިގަންނަވާ ރައީސް، ޑރ. މުހައްމަދު މުޢިއްޒު ވެގެންދާނީ އެންމެ ބާރު ދުވެލީގައި ތަރައްގީ ގެނެސްދޭ ޒަޢާމަތެއް ފުރިހަމަ ކުރައްވާނެ ރައީސް އަށް ކަމަށް މި ސަރުކާރުގެ ފިޝަރީޒް މިނިސްޓްރީއާއި ހަވާލުވެވަޑައިގަންނަވާނެ ކަމަށް ބެލެވޭ، މަޖިލީހުގެ ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ.
ޕީއެސްއެމްއަށް ދެއްވި ބަސްދީގަތުމެއްގައި ޝިޔާމް ވިދާޅުވީ، ޑރ. މުޢިއްޒަކީ ކަންކަން ވަރަށް އަވަހަށް އަދި ވަރަށް ފުރިހަމައަށް ކުރިއަށް ގެންދަވަން ބޭނުންފުޅުވާ ބޭފުޅެއް ކަމަށެވެ.
ޑރ. މުޢިއްޒު ވެގެންދާނީ ދިވެހިރާއްޖޭގެ އެންމެ ދުވެލިބާރު، މިދެންނެވީ ތަރައްގީގެ ދުވެލި އެނގޭތޯ. ތަރައްގީގެ ދުވެލިބާރު ޒަޢާމަތެއް ފުރިހަމަ ކުރައްވާނެ ރައީސް އަކަށް ޑރ. މުޢިއްޒު ވެވަޑައިގެންނަވާނެ. އެހެން މި ދަންނަވާ ވާހަކައަކީ، އެމަނިކުފާނު ބޭނުންވޭ ކަންކަން ވަރަށް އަވަހަށް ވާން. ކަންކަން ވަރަށް ރަނގަޅަށް ވާން. އަޅުގަނޑުމެންނަށްވެސް މި އޮންނަނީ 24 ގަޑިއިރު ކުޑަވެފައި އެނގޭތޯ. ފަސް އަހަރު މި ލިބެނީ ފަސް އަހަރުގައި ވަރަށް ގިނަ ކަންކަން ރައްޔިތުން އެބަ ބޭނުންވޭ.
އަހުމަދު ޝިޔާމް
މީގެ އިތުރުން، ޑރ. މުޢިއްޒުގެ އެންމެ ފާހަގަކޮށްލެވޭ ސިފަފުޅުތަކަށް އަލިއަޅުވާލައްވައި ވާހަކަ ދައްކަވަމުން ޝިޔާމް ވިދާޅުވީ، މުޢިއްޒަކީ ކަންކަން ނިންމެވުމުގެ ކުރިން މަޝްވަރާ ކުރައްވާ ބޭފުޅެއް ކަމަށެވެ.
ވަކިން ޚާއްސަކޮށް ބޮޑެތި ކަންކަން. ސިޔާސީ ކަންކަން. އެންމެ ގާތުން މަޝްވަރާ ކުރައްވާނެ. ޕާޓީގެ ލީޑަޝިޕާއި މަޝްވަރާކުރައްވާނެ. ޓީމް ޕްލޭޔަރެއް އެނގޭތޯ ޑރ. މުޢިއްޒަކީ
އަހުމަދު ޝިޔާމް
އިންތިޚާބީ ރައީސް މިއަދު ވެރިކަމާއި ހަވާލުވެވަޑައިގަންނަވާއިރު، އެމަނިކުފާނުވެސް ވިދާޅުވަމުން އަންނަނީ، ރާއްޖޭގެ ކުރިއަށް ނުގޮސް މަޑުޖެހިފައިވާ ތަރައްގީގެ މަޝްރޫއުތައް އެމަނިކުފާނުގެ ޒަޢާމަތުގައި ބާރަށް ކުރިއަށް ގެންދަވާ ނިންމަވާނެ ކަމަށެވެ.
Advertisement
This content is created and paid for by advertisers and does not involve Voice Journalists
