Advertisement
ފެނިގެން މިދަނީ ރައީސް ޑރ. މުޢިއްޒަކީ އިލްމުވެރިންނަށް ފުރުސަތު ދެއްވާ ބޭކަލެއްގެ ގޮތުގައި: ޑރ. ޝަހީމް
ރައީސުލްޖުމްހޫރިއްޔާ ޑރ މުޙައްމަދު މުޢިއްޒަކީ އިލްމުވެރިންނަށް ފުރުސަތު ދެއްވާ ބޭކަލެއް ކަމަށް މި ސަރުކާރުގެ އިސްލާމީ ކަންކަމާއި ބެހޭ ވުޒާރާގެ ވަޒީރު ޑރ މުހައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
އުނގޫފާރުގައި ހުންނަ އިސްލާމިކް ސެންޓަރު، ދިވެހިރާއްޖޭގެ އިސްލާމީ ޔުނިވާސިޓީއާ ހަވާލުކުރުމަށް މިއަދު ބޭއްވުނު ރަސްމިއްޔާތުގައި ވާހަކަ ދައްކަވަމުން ޑރ. ޝަހީމް ވަނީ، އުނގޫފާރު އިސްލާމިކް ސެންޓަރަކީ ރާއްޖޭގެ މިހާތަނަށް އުފެއްދުނު އެންމެ ޢިލްމުވެރި އެއް ބޭކަލެއް ކަމަށްވާ ޑރ. އަފްރާޝީމް ޢަލީގެ ހަނދާނުގައި ބިނާކޮށްފައިވާ ތަނެއް ކަން ފާހަގަ ކުރައްވައި އެމަނިކުފާނުގެ ޒިކުރާ އައު ކުރައްވާފަ އެވެ.
"މިއީ އެމަނިކުފާނު (ޑރ. އަފްރާޝީމް) ޝަހީދުވުމަށްފަހުގައި، އެމަނިކުފާނަށް ހައްގު ޚިދުމަތެއް ދިވެހިރާއްޖޭގެ ފަސްގަނޑުގައި ގާއިމްވެގެންދާ ދުވަސް. މި ޔުނިވާސިޓީ އަކީ އެމަނިކުފާނުގެ ޢިލްމީގެ. މި ޔުނިވާސިޓީ އަކީ މިއީ، ޔުނިވާސިޓީ އަކަށް ވުމުގައި އެމަނިކުފާނުގެ ނުހަނު މަތިވެރި ގުރުބާނީއެއް، އެ މަސައްކަތުގައި ވަރަށް ބޮޑު ހިއްސާއެއް އޮތް މަސައްކަތެއްގެ ގޮތުގައި މިއަދު ޖާމިޢާ އިސްލާމިއްޔާ ގާއިމްވެފައި މިވަނީ. ކުއްލިއްޔާ ޔުނިވަސިޓީއަކަށް ވީ މަރުހަލާގައި، ގާނޫނީ މަސައްކަތްތައް ކުރިއަށް ދިޔައިރުގައި، ރައްޔިތުންގެ މަޖިލީހުގެ ތެރެއިން، އެންމެ ވަރުގަދަ މަސައްކަތް ތަކެއް ކުރެއްވި ބޭފުޅަކީ ޑރ. އަފްރާޝީމް. އެހެންކަމުން، އެމަނިކުފާނުގެ ހަނދާނުގައި ގާއިމްވެފައިވާ އިސްލާމީ މަރުކަޒުގައި، އެމަނިކުފާނުގެ މަސައްކަތުން ގާއިމްވި އިސްލާމި ޔުނިވާސިޓީގެ ކޯސްތައް ފެށިގެން މުޅި ރ އަތޮޅުގެ ރަށްތަކަށް ޢިލްމު ފެތުރިގެން ދިޔުމަކީ އެމާނިކުފާނަށްޓަކައި ކިހާ މަތިވެރި ޚިދުމަތަކަށް ވާނެ"
އިސްލާމިކް މިނިސްޓަރ ޑރ މުހައްމަދު ޝަހީމް ޢަލީ ސަޢީދު
މިއާއެކު ޝަހީމް ވަނީ، އުނގޫފާރު އިސްލާމިކް ސެންޓަރު އިސްލާމީ ޔުނިވަރސިޓީގެ ކެންޕަހަކަށް ހައްދަވައި، ޑރ. އަފްރާޝީމް އަށް ހައްގު ޝަރަފު ދެއްވުމުގައި އަދުގެ ރައީސުލްޖުމްހޫރިއްޔާ ޑރ މުޢިއްޒު ކޮށްދެއްވި މަސައްކަތަށް ޝުކުރު އަދާކުރައްވާފައެވެ.
ޝަހީމް ވިދާޅުވީ، އެކަން ކަމުންވެސް އެނގިގެންދަނީ ރައީސް ޑރ. މުޢިއްޒަކީ ޢިލްމުވެރިންނަށް ޤަދަރުކުރު އުފުއްލަވައި، ޢިލްމުވެރިންނަށް ޙައްގު ޝަރަފާއި އިހްތިރާމް ދެއްވާ ރައީސް އެއް ކަމަށެވެ.
"މިއަދު އަޅުގަނޑު ޝުކުރު ދަންނަވާލަން ބޭނުންވަނީ މިއަދުގެ ރައީސުލްޖުމްހޫރިއްޔާ ޑރ. މުޢިއްޒަށް. އެމަނިކުފާނަކީ އިލްމުވެރިންގެ ހަގީގީ ގަދަރު އުފުއްލަވާ، ޢިލްމުވެރިންނަށް ހައްގު ޝަރަފާއި މަތިވެރިކަން، އިޙްތިރާމް, ފުރުސަތު، ދެއްވާ ރައީސެއްގެ ގޮތުގައި އަޅުގަނޑުމެންނަށް ފެނިގެން މިދަނީ. އެހެންކަމުން އަޅުގަނޑުގެ އަމިއްލަ ނަމުގައި އަދި މިނިސްޓްރީ އޮފް އިސްލާމިކު އެފެއާޒު ގެ ނަމުގައި ޑރ މުހައްމަދު މުޢިއްޒަށް އަޅުގަނޑުގެ ހިފެހެއްޓުމެއް ނެތް ޝުކުރާއި ތަޢުރީފް ރައްދު ކުރަން"
އިސްލާމިކް މިނިސްޓަރ ޑރ މުހައްމަދު ޝަހީމް ޢަލީ ސަޢީދު
ޝަހީމް އިތުރަށް ވިދާޅުވީ، އިސްލާމީ ޔުނިވަސިޓީގެ މަސައްކަތްތަކަކީ ރައީސް ޑރ. މުޢިއްޒުގެ މެނިފެސްޓޯ ގައި ލިޔެވި ޚާއްސަ އިސްކަމެއް ދެވިފައިވާ ކަމެއް ކަމަށެވެ. އަދި މިހާރު ފެށިގެން މިދަނީ އެކަމުގެ މުގައްދިމާ އެކަނި ކަމަށާއި، އަސްލު މަސައްކަތްތައް ކުރިއަށް އޮތް ތަނުގައި ފެނިގެންދާނެ ކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
