"މިއީ އެމަނިކުފާނު (ޑރ. އަފްރާޝީމް) ޝަހީދުވުމަށްފަހުގައި، އެމަނިކުފާނަށް ހައްގު ޚިދުމަތެއް ދިވެހިރާއްޖޭގެ ފަސްގަނޑުގައި ގާއިމްވެގެންދާ ދުވަސް. މި ޔުނިވާސިޓީ އަކީ އެމަނިކުފާނުގެ ޢިލްމީގެ. މި ޔުނިވާސިޓީ އަކީ މިއީ، ޔުނިވާސިޓީ އަކަށް ވުމުގައި އެމަނިކުފާނުގެ ނުހަނު މަތިވެރި ގުރުބާނީއެއް، އެ މަސައްކަތުގައި ވަރަށް ބޮޑު ހިއްސާއެއް އޮތް މަސައްކަތެއްގެ ގޮތުގައި މިއަދު ޖާމިޢާ އިސްލާމިއްޔާ ގާއިމްވެފައި މިވަނީ. ކުއްލިއްޔާ ޔުނިވަސިޓީއަކަށް ވީ މަރުހަލާގައި، ގާނޫނީ މަސައްކަތްތައް ކުރިއަށް ދިޔައިރުގައި، ރައްޔިތުންގެ މަޖިލީހުގެ ތެރެއިން، އެންމެ ވަރުގަދަ މަސައްކަތް ތަކެއް ކުރެއްވި ބޭފުޅަކީ ޑރ. އަފްރާޝީމް. އެހެންކަމުން، އެމަނިކުފާނުގެ ހަނދާނުގައި ގާއިމްވެފައިވާ އިސްލާމީ މަރުކަޒުގައި، އެމަނިކުފާނުގެ މަސައްކަތުން ގާއިމްވި އިސްލާމި ޔުނިވާސިޓީގެ ކޯސްތައް ފެށިގެން މުޅި ރ އަތޮޅުގެ ރަށްތަކަށް ޢިލްމު ފެތުރިގެން ދިޔުމަކީ އެމާނިކުފާނަށްޓަކައި ކިހާ މަތިވެރި ޚިދުމަތަކަށް ވާނެ"

އިސްލާމިކް މިނިސްޓަރ ޑރ މުހައްމަދު ޝަހީމް ޢަލީ ސަޢީދު

"މިއަދު އަޅުގަނޑު ޝުކުރު ދަންނަވާލަން ބޭނުންވަނީ މިއަދުގެ ރައީސުލްޖުމްހޫރިއްޔާ ޑރ. މުޢިއްޒަށް. އެމަނިކުފާނަކީ އިލްމުވެރިންގެ ހަގީގީ ގަދަރު އުފުއްލަވާ، ޢިލްމުވެރިންނަށް ހައްގު ޝަރަފާއި މަތިވެރިކަން، އިޙްތިރާމް, ފުރުސަތު، ދެއްވާ ރައީސެއްގެ ގޮތުގައި އަޅުގަނޑުމެންނަށް ފެނިގެން މިދަނީ. އެހެންކަމުން އަޅުގަނޑުގެ އަމިއްލަ ނަމުގައި އަދި މިނިސްޓްރީ އޮފް އިސްލާމިކު އެފެއާޒު ގެ ނަމުގައި ޑރ މުހައްމަދު މުޢިއްޒަށް އަޅުގަނޑުގެ ހިފެހެއްޓުމެއް ނެތް ޝުކުރާއި ތަޢުރީފް ރައްދު ކުރަން" 

އިސްލާމިކް މިނިސްޓަރ ޑރ މުހައްމަދު ޝަހީމް ޢަލީ ސަޢީދު