ރައްޔިތުންގެ މަޖިލީހުގެ ނައިބު ރައީސްކަމުގެ މަގާމުގައި ހުންނެވި އީވާ އަބްދުالله އެ މަގާމުން އިސްތިއުފާ ދެއްވައިފިއެވެ. 

ރައްޔިތުންގެ މަޖިލީހުގައި މިއަދު ކުރިއަށް ދިޔަ އެކަމަނާ އެމަގާމުން ވަކިކުރުމުގެ މައްސަލައިގެ ޖަލްސާ ކުރިއަށް ދަނިކޮށެވެ. ޖަލްސާ ފެއްޓެވުމަށް ފަހު ރިޔާސަތުން ރައީސް މުހައްމަދު އަސްލަމް ވަނީ  ޖަވާބުދާރީވެ ވަޑައިގަތުމަށް އިވާއަށް 30 މިނެޓްގެ ވަގުތު ދެއްވާފައެވެ.

ޖަވާބު ދާރީ ވުމަށް ލިބިވަޑައިގެންނެވި ވަގުތުގައި އީވާ ވަނީ އެކަމަނާގެ ދިފާއުގައި ވަރަށް ދިގުކޮށް ވާހަކަފުޅު ދައްކަވާފައެވެ. އެގޮތުން، އެކަމަނާއަކީ މަޖިލީހުގެ ނައިބު ރައީސްގެ މަގާމަށް ނާގާބިލު މީހެއް ކަމަށް މަޖިލީހުގެ އެއްވެސް މެމްބަރަކަށް ވިދާޅުވު ނުވެވޭވެ ކަމަށް ވިދާޅުވެ އީވާ ވަނީ، އެކަމަނާގެ އިސްތިއުފާގެ ސިޓީ ކުޑައިރުކޮޅެއްގެ ތެރޭގައި ރިޔާސަތަށް ލިބިވަޑައިގަންނަވާނެ ކަމަށް ވިދާޅުވެފައެވެ. 

Advertisement

އެވަގުތު އެ ސިޓީ ރިޔާސަތާ ހަވާލު ކުރެއްވީ ޑިމޮކްރެޓްސްގެ ފަރާތުން އެ ޕާޓީގެ ޕީޖީ ލީޑަރު އަލީ އާޒިމެވެ. 

ސިޓީ ހަވާލުކު ކުރެއްވުމުން އަމީން އާންމު ފާތިމަތު ނިއުޝާ ވަނީ އެ ސިޓީ މަޖިލީހަށް އިއްވަވާފަ ދެއްވާފަ އެވެ. އެހެންވެ، އީވާ އިސްތިއުފާ ދެއްވާފައިވާ ކަން އިއުލާނުކޮށް، އެހިސާބުން ޖަލްސާ ނިންމާލެއްވީއެވެ.