ދިވެހިރާއްޖޭގައި ހުރި އެމެރިކަން ސެންޓަރާއި އެމެރިކަން އެމްބަސީ، ރާއްޖެއިން ބޭރުކުރަން ގޮވާލައި ދިވެހިން ތަކެއް އިހްތިޖާޖު ކޮށްފިއެވެ.

މި ހިމޭން އިހްތިޖާޖު މިއަދު ކޮށްފައި ވަނީ، ޔަހޫދީން ފަލަސްތީނާއި ދެކޮޅަށް ހުއްޓުމެއްނެތި ހިންގަމުންދާ ގަތުލު ޢާއްމު ތަކުގައި ޝަހީދުވަމުންދާ އަދި ހާލުގައި ޖެހިފައިވާ ފަލަސްތީނުގެ މުސްލިމުންނާއެކު ދިވެހިން ވާއްކަން އެންގުމަށް ބޭއްވުނު އެއްވުމުގެ ތެރެއިންނެވެ. 

"15.12" ނަމުގައި މިއަދު ހުކުރަށްފަހު، މިއަދު މަޖީދީ މަގުގައި އެއްވުމެއް ބާއްވާފައި ވާއިރު، އެއްވުމަށްފަހު ވަނީ މާލޭގައި ހުރި އެމެރިކަން ސެންޓަރު ކުރިމަތީގައި ބެނާ ދަމައި، އެ ސެންޓަރާއި އެމެރިކާގެ އެންބަސީ ބޭރުކުރަން ހިމޭން އިހްތިޖާޖެއް ކުރިއަށް ގެންގޮސްފަ އެވެ. 

Advertisement

ހައްދުފަހަނައަޅާފައިވާ އިސްރާއީލުން ފަލަސްތީނުގައި ހިންގަމުންދާ ޤަތުލުޢާއްމަށް ދެމަސް ދުވަހަށްވުރެ ގިނަ ދުވަސްވެފައިވާއިރު، އެކަން ހުއްޓާ ލުމުގެ ކޮޅުމަތިވެސް ފެންނާކަށް ނެތެވެ. 

ނިރުބަވެރި ޔަހޫދީންގެ އެ ހަމަލާތަކުގައި 18 ހާހަށްވުރެ ގިނަ މުސްލިމުން މިހާތަނަށްވަނީ ޝަހީވެފައެވެ. އޭގެ ތެރެއިން ގިނައީ އަންހެނުންނާއި ކުޑަކުދިން ކަމަށްވާއިރު، އިސްރާއީލުގެ އެ ޢުދުވާނަށް ހިތްވަރުދީ, ތުއްތު ކުދިން ގަތުލު ކުރުމަށް ހަނގުރާމައިގެ ހަތިޔާރުތައް ފޯރުކޮށްދޭ އެއް ގައުމަކީ އެމެރިކާއެވެ. އަދި އެކަމަށް އެންމެ ބޮޑަށް ހިތްވަރުދޭ އެއް ގައުމަކީ ވެސް އެމެރިކާއެވެ. 

ހަތިޔާރު ފޯރު ކޮށްދީ ހިތްވަރު ދިނުމުގެ އިތުރުން އދ ގައިވެސް އެމެރިކާއިން އަންނަނީ ޔަހޫދީންގެ ގަތުލު އާއްމު ހުއްޓާލުމަށް ގޮވާލާ ހުށަހެޅޭ ގަރާރުތައް ވީޓޯ ކުރަމުންނެވެ.