މާލެ އަތޮޅު ތުލުސްދޫއިން ފުރައިގެން މާފުއްޓަށް ދަތުރުކުރި ދޯންޏެއް ފަރަށް އަރައިގެން އެމްއެންޑީއެފުން ހަރާކާތްތަރިވާން ފަށައިފިއެވެ.

އެމްއެންޑީއެފުން ބުނީ ތުލުސްދޫއިން ފުރައިގެން ކ.މާފުއްޓަށް ދަތުރުކުރަމުންދިޔަ "ޑޮނަޓެއްލާ" ނަމަކަށް ކިޔާ މުދާ އުފުލާ ދޯންޏެއް، ކ.ގުޅިކައިރީގައި އޮންނަ ފަރަކަށް އަރައިގެން މިއަދު ހެނދުނު 7:36 ހާއިރު ރިޕޯޓް ކޮށްފައިވާކަމަށެވެ. 

އެގޮތުން މި ދޯނި ފަރަށް އެރި އިރު ދޯނީގައި ދިވެއްސަކާއި ތިން ބިދޭސީން ތިބި ކަމުގައި ވެސް އެމްއެންޑީއެފުން ބުނެފައިވެއެވެ.

Advertisement

ދޯނި ފަރަށް އެރުމުގެ މައުލޫމާތު ލިބުމާއެކު، އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންގެ ޑައިވަރުންގެ ޓީމެއް ދޯނި އޮތް ސަރަހައްދަށް ގޮސް، އެ ބޯޓުގައި ތިބި ހަތަރު ފަޅުވެރިން ހާބަރކުރާފްޓް ލޯންޗުގައި މާލެ ގެނެސްފައިވާކަމަށް އެ އިދާރާއިން ބުނެއެވެ.

ފަރަށް އެރުމުގެ ސަބަބުން ދޯންޏަށް ބޮޑެތި ގެއްލުންތަކެއް ލިބިފައިވާކަމަށާއި އެ ދޯނި ފުންކުރުމުގެ މަސައްކަތުގައި ދޯނީގެ ވެރިފަރާތާ ގުޅިގެން ސިފައިން އެހީތެރިކަން ފޯރުކޮށްދެމުންދާކަމަށްވެސް އެމްއެންޑީއެފުން ބުނެއެވެ.