ރައީސުލްޖުމްހޫރިއްޔާ އާއި ނާއިބު ރައީސް އަޒުލު ކުރެވޭގޮތަށް މަޖިލީހުގެ ގަވާއިދު ބަދަލު ކުރުމަށް ހުށަހަޅައި ފާސްކުރެވުނު އިސްލާހާ މެދު ކަންބޮޑުވުން ފާޅުކޮށް އެކަން ކުށްވެރިކޮށް ތިލަދުންމަތީ އުތުރުބުރީ އިހަވަންދޫ ކައުންސިލުން ބަޔާނެއް ނެރެފިއެވެ.
ރައްޔިތުންގެ މަޖިލީހަށް މި އިސްލާހު ހުށަހެޅުއްވި މުހައްމަދު ޝިފާއު ނިސްބަތްވެ ވަޑައިގަންނަވާ ދާއިރާ، އިހަވަންދޫގެ ކައުންސިލްގެ 5 މެންބަރުން ސޮއިކުރައްވާ މިއަދު ނެރުނު ބަޔާނުގައި ބުނެފައިވަނީ، ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނާއިބްގެ އިތުބާރު ނެތްކަމުގެ ވޯޓު ނެގުމުގައި އޮންނަ އިޖުރާޢަތު ބަދަލުކުރުމަށް ރައްޔިތުންގެ މަޖިލީހުގެ އެމްޑީޕީގެ މެންބަރުން ކުރައްވަމުން ގެންދަވާ މަސައްކަތަކީ، ދިމިގްރާތީ ނިޒާމާއި ދެކޮޅަށް ކުރިއަށް ގެންދާ ވަރަށް ނާތަހުޒީބު ހުތުރު ކަމެއްކަމަށެވެ.
އަދި މިހާލަތުގައި އެފަދަ އުސޫލުތައް ބަދަލުކުރަން އުޅުމަކީ މަޖިލީހުގެ މެންބަރުންގެ ނިޔަތާއި އިޚްލާސްތެރިކަމާ މެދު ސުވާލު އުފެދޭ ކަމެއްގެ ގޮތުގައި އެ ކައުންސިލުން ސިފަކޮށްފައިވެއެވެ. އަދި އެ ކައުންސިލްގެ ބަޔާނުގައި ވަނީ، އެ އަމަލަކީ 2023 ވަނަ އަހަރުގެ ރިޔާސީ އިންތިޚާބުގައި ދިވެހި ރައްޔިތުން ނިންމި ނިންމުމާއި ދެކޮޅަށް ގޮންޖަހައި ކުރައްވާފައިވާ ކަމެއް ކަމުގައެވެ.
އިހަވަންދޫ ކައުންސިލްގެ ބަޔާން
މީގެ އިތުރުން މި ބަޔާނުގައި ވަނީ މިފަދަ އަމަލުތައް ނުކުރެއްވުމަށް ރައްޔިތުންގެ މަޖިލީހުގެ މެންބަރުންނަށް އިސްތިމާސްކޮށްފައެވެ.
މިއީ، ގައުމުގެ މަސްލަހަތު ނަގާލައި ގައުމު ހަލަބޮލިކޮށް ގައުމުގެ މިނިވަންކަމާއި އަމަން އަމާންކަމަށް އެއިގެ ނުބައި އަސަރުކޮށް، ކަޅު ހިޔަނިއެޅި، ލޭ އޮހޮރުވުމަކަށް މަގުފަހިވެގެން ހިނގައިދާނެ ކަމަކަށްވެފައި އަދި ގައުމުގެ މިނިވަންކަން ގެއްލިގެން ދިއުމަކީވެސް އެކަށީގެންވަ ކަމެއްކަމަށްވެސް ފެންނާތީ، މިފަދަ އަމަލުތައް ހުއްޓުވުމަށް ކަމާބެހޭ ފަރާތްތައްކަށް ވެސް އިލްތިމާސް ކުރަމެވެ.
އިހަވަންދޫ ކައުންސިލްގެ ބަޔާން
މީގެ އިތުރުން މި ބަޔާނުގައި ވަނީ ރައްޔިތުންގެ މަޖިލީހުގެ އިހަވަންދޫ ދާއިރާގެ މެންބަރު މުހައްމަދު ޝިފާއު ރައްޔިތުގެ ވިންދާއި ޝުއޫރާއި ދެކޮޅަށް އިސްވެ ނުކުންނަވާ ކުރައްވަމުން ގެންދަވާ އަމަލުތައް ހުއްޓަވާލެއްވުމަށް ވެސް ހަރުއަޑުން ގޮވާލާކަމަށެވެ.
Advertisement
This content is created and paid for by advertisers and does not involve Voice Journalists
