ހުޅުމާލެ ދެވަނަ ފިޔަވަހީގައި އެކްސިޑެންޓެއް ހިނގައި 4 މީހަކަަށް އަނިޔާވެއްޖެއެވެ.

މި އެކސްސިޑެންޓް ހިނގައިފައިވަނީ ހުޅުމާލެ ދެވަނަ ފިޔަވަހީގައި ހުންނަ ކާމިލް ދީދީ ސްކޫލް ކައިރީގައި ދެކާރެއް ޖެހިގެން ކަމަށް ފުލުހުން ވިދާޅުވެފައިވެއެވެ.

އަދި މިހާދީސާގެ ރިޕޯޓް ފުލުހުންގެ އިދާރާއަށް ލިބިފައިވަނީ ރޭ 23:40 ހާއިރު ކަމަށްވެސް ފުލުހުން ބުނެއެެވެ.

Advertisement

މީގެ އިތުުރުން މިއެކްސިޑެންޓް ހިނގައި ފައިވަނީ ދެކާރު ޖެހިގެން ކަމަށާއި، ދެކާރު ޖެހުމުން އެތަނުން އެއްކާރު މަޑުނުކޮށް ފިލައިފައިވާ ކަމަށްވެސް ފުލުހުން ވަނީ ބުނެފައެވެ.

ހަމަމިއާއި އެކު އެކްސިޑެންޓު ގައި ޝާމިލްވި އަނެއް ކާރުގައި ތިބި ހަތަރު މީހުންނަށް އެކި ވަރުގެ އަނިޔާ ލިބިގެން ހުޅުމާލެ ހޮސްޕިޓަލަސް ގެންގޮސް ފަރުވާދީފައި ވާ ކަމަށްވެސް ބުނެފައިވެއެވެ.

އަދި އެކާރު ދުއްވަން އިން މީހާގެ އަތުގައި ލައިސެންސް އޮތް ކަމަށާއި، އެކްސިޑެންޓްގައި ކާރަށް އެކިވަރުގެ ގެއްލުންވެސް ލިބިފައިވާ ކަމަށެވެ.

ފުލުހުން ބުނީ އެކްސިޑެންޓް ވުމުން މަޑު ނުކޮށް ގޮސް ފައިވާ ކާރު ހޯދުމުގެ މަސައްކަތް ފުލުހުން ދަނީ ކުރަމުން ކަމަށެވެ. އަދި މިމައްސަލަ ފުލުހުންގެ މުއައްސަސާއިން ތަހްޤީޤު ކުރަމުންދާ ކަމަށްވެސް ފުލުހުން ބުނެއެވެ.