ކުރީގެ ކީރިތި ޤުރުއާނާ ބެހޭ މަރުކަޒު އިސްރަށްވެހިންނަަށް ޚާއްސަ އިޖުތިމާޢީ މަރުކަޒަކަށް ހެދުމަށް ސަރުކާރުން ނިންމައިފިއެވެ.
އިއްޔެ ބޭއްވި ވަޒީރުންގެ މަޖިލީހުގައި ނިންމެވި މުހިއްމު ނިންމެވުންތަކުގެ މައުލޫމާތު ހިއްސާކުރުމަށް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުالله ނާޡިމް އިބްރާހީމް ވިދާޅުވީ، ދިވެހިރާއްޖޭގެ އާބާދީގެ ބޮޑު ބަޔަކީ އިސް ރަށްވެހިން ކަމަށެވެ.
އަދި އެ ފަރާތްތަކަކީ ދައުލަތަށް ގިނަ ދުވަހަކު ޚިދުމަތް ކުރައްވާފައިވާ ބައެއް ކަމަށާ، އެ ފަރާތްތަކުގެ ނަފްސާނީ އަދި ޖިސްމާނީ ދުޅަހެޔޮ ކަމަށްޓަކައި މަސައްކަތް ކުރުމަކީ މިސަރުކާރުގެ ވަރަށް މުހިންމު ސިޔާސަތެއް ކަންވެސް ނާޒިމް ފާހަގަކުރެއްވި އެވެ.
އެގޮތުން އެންމެ ފުރަތަމަ ތައްޔާރު ކުރެވޭ އިސް ރަށްވެހިންގެ މަރުކަޒެއްގެ ގޮތުގައި ކުރީގެ ކީރިތި ޤުރުއާނާ ބެހޭ މަރުކަޒު ހިންގެވިތަން، އެތަން އެއީ އެންމެ ފުރަތަމަ މަރުކަޒެއްގެ ގޮތުގައި ހުޅުވި، ރާއްޖޭގެ އެކިއެކި ކަންކޮޅުތަކުގައި މިފަދަ މަރުކަޒުތައް ގާއިމް ކުރުމަށް ރައީސުލްޖުމްހޫރިއްޔާ ވަނީ ކެބިނެޓްގެ ލަފާއާއި ނިންމަވާފައި
ޢަބްދުالله ނާޡިމް އިބްރާހީމް
ނާޒިމް ވިދާޅުވީ، އިސްރަށްވެހިންގެ މަރުކަޒުތައް ގާއިމް ކުރުމުގެ މަސައްކަތް ކުރާނީ މިނިސްޓްރީ އޮފް ހެލްތާއި، މިނިސްޓްރީ އޮފް ޔޫތް އާއި، މިނިސްޓްރީ އޮފް ސްޕޯޓްސް އާއި ކަމާއި ގުޅޭ އެހެނިހެން އިދާރާތަކުންވެސް ޢާއިލާ އާއި ބެހޭ މިނިސްޓްރީއާއި ބައިވެރިވުމަށް ހަމަޖެހިފައިވާ ކަމަށެވެ.
ރާއްޖޭގެ އުތުރާއި ދެކުނުގައި އަދި މެދު ރާއްޖެތެރޭގައި، އިސް ރަށްވެހިންގެ ހިތްހަމަޖެހުމާއި އުފާވެރިކަން ޔަޤީންކުރުމަށްޓަކައި ކަނޑައެޅޭ ތަފާތު ޚިދްމަތްތަކެއް ހިމެނޭގޮތަށް މަރުކަޒުތަކެއް ޤާއިމުކުރުމަކީ މި ސަރުކާރުގެ އޯގާތެރި މުޖުތަޢު ސިޔާސަތުގެ ދަށުން ކުރުމަށް ވައުދުވެފައިވާ މުހިންމު ކަމެކެވެ.
އަދި އެ މަސައްކަތަކީ ސަރުކާރުގެ ހަފްތާ 14 ޗާޓުގައިވެސް ހިމެނިފައިވާ ކަމެކެވެ.
މިއާއެކު އިސްރަށްވެހީންނަށް ޚާއްޞަ ޞިއްޙީ ފަރުވާ ލިބޭނެ އިންތިޒާމުތައް ފުޅާކުރުމުގެ މަސައްކަތް ވެސް ހަފްތާ 14 ގައި ފަށަން ސަރުކާރުން ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
