ގިނަ ދާއިރާތަކެއްގެ ވަޒީފާތައް ދިވެހިންނަށް ޚާއްސަ މަސައްކަތްތަކެއްގެ ގޮތުގައި ރައީސުލްޖުމްހޫރިއްޔާ ކަނޑައަޅުއްވައިފިއެވެ.

ރައީސް މުޢިއްޒު މިފަދައިން ނިންމަވާފައި ވަނީ އިއްޔެ ބޭއްވި ކެބިނެޓްގެ ބައްދަލުވުމުގައި މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީ ކުރުމާ ބެހޭ ވުޒާރާއިން ހުށަހެޅުއްވި ކަރުދާހަށް ވަޒީރުންގެ މަޖިލީހުގައި މަޝްވަރާކުރެއްވުމަށްފަހުއެވެ.

މިކަމާއި ގުޅޭ ގޮތުން މައުލޫމާތު ދިނުމަށް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ރައީސުލްޖުމްހޫރިއްޔާގެ އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ ޢަބްދުالله ނާޡިމް އިބްރާހީމް ވިދާޅުވީ، ދިވެހި ޒުވާނުންގެ ޝައުޤުވެރިކަމާއި ހުނަރުހުރި 21 ދާއިރާއެއްގެ ވަޒީފާ، ދިވެހިންނަށް ޚާއްސަކުރަން ރައީސުލްޖުމްހޫރިއްޔާ ޑރ. މުޢިއްޒު ނިންމަވާފައިވާ ކަމަށެވެ.

* ހެޔަރ ޑްރެސަރ

* ބިއުޓީޝަން

* ބޭބީ ސިޓިންގ

* ޕަރސަނަލް ޓްރެއިނަރ

* އިލެކްޓްރީޝަން

* ގެސްޓް ރިލޭޝަންސް އޮފިސަރ

* ޓުއަރ ގައިޑް

* ޑައިވަރ

* ފޮޓޯގްރަފަރ

* އިލެކްޓްރިކަލް އިންޖިނިއަރ

* ހައުސްކީޕިންގ މެނޭޖަރ

* ހިއުމަން ރިސޯސް މެނޭޖަރ

* ފްރަންޓް އޮފީސް މެނޭޖަރ

* އެކައުންޓެންޓް

* އިމާމު

* ނަރުހުން

* ޓީޗަރުން

* އިންސްޕެކްޓަރުން

* ސަރވޭ ކުރާ މީހުން

* ސައިޓް ސުޕަވައިޒަރ

* ޕައިލެޓް

ނާޘިމް ވިދާޅުވީ މިދާއިރާތަކަކީ ދިވެހިންނަށް ޚާއްސަ ކުރެވިފައިވާ ދާއިރާތަކުގެ ގޮތުގައި ކަނޑައެޅުމަށް ވާން ޖެހޭ ތައްޔާރީތަކަށް ތާވަލެއް އެކުލަވާލައިގެން ކުރިއަށް ގެންދިއުމަށް ނިންމަވާފައިވާ ކަމަށެވެ.

ނަމަވެސް އެކަމަށް ވަކި ތާރީހެއް އަދި ކަނޑައަޅާ ނިންމާފައި ނުވާ ކަން އޭނާ ފާހަގަކުރެއްވިއެވެ.