2019 ވަނަ އަހަރުގެ ރައްޔިތުންގެ މަޖިލީހުގެ އިންތިޚާބުގައި ވާދަކުރާ ކަނބަލުންގެ ކެމްޕެއިން ޚަބަރުތައް ވޮއިސް.އެމްްވީ ގައި ހިލޭ ގެނެސްދޭ ގޮތަށް ހަމަޖައްސައިފިއެވެ.
މިއީ ބައިނަލްއަޤްވާމީ އަންހެނުންގެ ދުވަހާއި ގުޅުވައިގެން މަޖިލިސް އިންތިހާބުގައި ވާދަކުރާ ކަނބަލުންނަށް ދިން ޚާއްސަ ހަދިޔާއެކެވެ.
ވޮއިސް އެމްވީގެ ޗީފް އެޑިޓަރު ޝަފްރާޒް އަހްމަދު ވިދާޅުވި ގޮތުގައި މިގޮތަށް ނިންމީ އަންހެން ކަނބަލުން މަޖިލީހަށް ނިކުތުމަށް ހިތްވަރު ދިނުމުގެ ގޮތުން ކަމަށެވެ.
"މިގޮތަށް ނިންމީ މަޖިލިސް މެންބަރުކަން ފަދަ މަގާމުތަކަށް ކުރިމަތިލާ އިސް ސަފަށް ނިކުތުމަށް ކަނބަލުންނަށް އިތުރަށް ހިތްވަރު ދިނުމުގެ ގޮތުން" ވޮއިސްގެ ޗީފް އެޑިޓަރ، ޝަފްރާޒް ވިދާޅުވިއެވެ.
2019 ވަނަ އަހަރުގެ ރައްޔިތުންގެ މަޖިލީހުގެ އިންތިޚާބުގައި ވާދަކުރުމަށް މިހާތަނަށް 399 މީހަކު ފޯމު ހުށަހަޅާފައި ވާއިރު އޭގެ ތެރޭގައި 35 ކަނބަލުން ހިމެނެއެވެ.
ވޮއިސް އެމްވީގެ ފަރާތުން އިންތިޚާބުގައި ވާދަކުރާ ކަނބަލުންގެ ޚަބަރުތައް ހިލޭ ގެނެސްދޭން ނިންމި އިރު މަޖިލިސް އިންތިޚާބުގައި ވާދަކުރާ އެހެން ކެންޑިޑޭޓުންގެ ޚަބަރު ގެނެސްދެނީ ވިޔަފާރި އުސޫލުންނެވެ.
Advertisement
This content is created and paid for by advertisers and does not involve Voice Journalists
