ހައްދުފަހަނައަޅާފައިވާ އިސްރާއީލުން، އިންޑިޔާގެ ލަކްޝަދީބު ޕްރޮމޯޓް ކުރުމުގެ މަސައްކަތް ރަސްމީކޮށް ފަށައިފިއެވެ. 

ލަކްޝަޑްވީޕް އަކީ ހދ. އަތޮޅު މަތިން އިންޑިއާ އާ ދެމެދު އޮންނަ އަތޮޅުތަކެއްގެ މައްޗަށް ހިމެނޭ ރަށްތަކެކެވެ.

އެތަން ޕްރޮމޯޓް ކުރުމުގެ މަސައްކަތް އިންޑިޔާއިން ބޮޑުކޮށް ފަށައި، އިންޑިޔާ އާއި ދިވެހިރާއްޖެއާ ދެމެދު ބަހުގެ ހަމަލާތައް އަމާޒުވަމުންދާ މި ދަނޑިވަޅުގައި، އިޒްރޭލާއި އިންޑިއާއާ ދެމެދު އެކުވެރިކަން ބަދަހިކުރުމަށް އިޒްރޭލު ސަރުކާރުން އެކްސްގައި ހަދާފައިވާ ރަސްމީ އެކައުންޓުން އިއްޔެ ކުރި ޕޯސްޓެއްގައި ވަނީ، ލަކްޝަދީޕުގެ ޑިސަލިނޭޝަން ޕްރޮޖެކްޓު މިއަދު ފެށުމަށް އިޒްލޭރު އޮތީ ތައްޔާރަށް ކަމަށެވެ.

Advertisement

ފަލަސްތީނު-އިޒްރޭލު މައްސަލައިގައި އިންޑިއާއިން ސަޕޯޓުކުރާ އިޒްރޭލުން ލަކްޝަދީބު ޕްރޮމޯޓް ކުރުމަށް ކުރި، އެ ޓުވީޓުގައި ލަކްޝަދީޕުގެ ރީތި މޫދާއި ކަނޑު އަޑީގެ މަންޒަރުތައް ކުރިން ނުފެންނަ ފަރާތްތަކަށް ދައްކާލުމަށް ކަމަށް ބުނެ އެ ރަށްތަކުގެ ފޯޓޯތަކެއް ވެސް ވަނީ ހިއްސާ ކޮށްފައެޗެ.

އަދި ލަކްޝަދީޕުގެ ފަތުރުވެރިކަން ޕްރޮމޯޓު ކުރުމަށް އިންޑިއާއިން ބޭނުންކުރާ ހޭޝްޓެގްތައް ވެސް އެ ޕޯސްޓުގައި ހިމަނާފައިވެ އެވެ.

ފަލަސްތީނު-އިސްރާއީން މައްސަލާގައި ހަރުކަށި ޔަހޫދީންނަށް ތާއީދު ކުރާ އިސްރާއީލުން، ލަކްޝަދީބު ޕްރޮމޯޓް ކުރަން ފަށާފައި މިވަނީ، ދިވެހިރާއްޖެއާއި އިންޑިއާ ދެމެދު ބަހުސްތަކެއް ފެށިފައިވާ ދަނޑިވަޅެއްގައެވެ. 

އަދި އިސްރާއީލުގެ ޔަހޫދީން މި މަސައްކަތް ފަށާފައި މިވަނީ، ފަލަސްތީނު-އިޒްރޭލު މައްސަލައިގައި ރާއްޖެއިން ފަލަސްތީނާއެކު ތިބިކަން ހާމަކޮށް އިޒްރޭލާ ދެކޮޅަށް ޝުއޫރު ފާޅުކުރާތީ، އިޒްރޭލު ރައްޔިތުން ރާއްޖެ ދަތުރު ނުކުރަން  އަންގާފައިވާ ދަނޑިވަޅެއްގައި ކަންވެސް ފާހަގަކޮށްލަންޖެހެއެވެ.