ކުކުޅުކޭހެއް ހިލޭ ލިބޭ ޕްރޮމޯޝަނެއް ހެޔޮ ފިހާރައިން ފަށައިފިއެވެ.

ހެޔޮފިހާރައިގެ މާކެޓިން މެނޭޖަރ އައިޝަތު އާމާލު ވިދާޅުވީ މި ޕްރޮމޯޝަން އަކީ ހެޔޮ ފިހާރައިގެ  3 ވަނަ ފިހާރަ ހުޅުވުމާއި ގުޅިގެން ގިނަ ބަޔަކަށް ފިހާރަ އިސްތިހާރު ކުރުމަށް ބޭއްވޭ ޕްރޮމޯޝަނެއް ކަމަށެވެ.  އަދި މި ޕްރޮމޯޝަން ކުރިޔަށް ގެންދިއުމަށްހަމަޖެހިފައި ވަނީ  ފޭސްބުކް ޕޭޖްގައި ކަމަށްވެސް މައުލޫމާތު ދެއްވައެވެ.

މި ޕްރޮމޯޝަންގައި ގުރުއަތުން ހޮވޭ ދެ ފަރާތަކަށް އިނާމެއް ގޮތުގައި ކުކުޅު ކޭހެއް ލިބިގެން ދާނެއެވެ.

Advertisement

މީގެ ކުރިންވެސް "ޝެއާ އެންޑް ވިން" ގެ ނަމުގައި ޕްރޮމޯޝަނެއް  ހެޔޮ ފިހާރައިން ބާއްވާފައިވާއިރު އެޕްރޮމޯޝަނަށް ވެސް އާންމުގެ ބޮޑު ތަރުހީބެއް ވަނީ ލިބިފައެވެ.

އާމާލް އިތުރަށް ވިދާޅުވީ ފިނިކުރި ކުކުޅާއި، ކުކުޅުގެ ބާވަތްތަކުގެ އިތުރުން ފިނި ކުރި އެހެން ބާވަތްތައް އަގު ހެޔޮކޮން އެ ފިހާރައިން މިހާރު ލިބެން ހުންނާނެއެވެ. އަދި އޭނާ އިތުރަށް ވިދާޅުވީ އަބުދުވެސް ހާއްސަ ސަމާލުކަމެއް ދީގެން ރީޓެއިލްކޮށް ކުކުޅު ގަންނަ ކަސްޓަމަރުންނަށް ހެޔޮ އަގެއްގައި، ފިނި ކުރި ސާމާނު ފޯރުކޮށްދިނުންމަކީ އެ ފިހާރަގެ އަމާޒެއް ކަމަށެވެ.

ހެޔޮ އިންވެސްޓުމަންޓުގެ ދަށުން ހިންގާ ހެޔޮ ފިހާރަ އަދި ހެޔޮފިހާރަ 2 ކުން ލިބެން ހުރި ބާވަތްތަކުގެ ތެރޭގައި ޗިކަން ތައި، ޗިކަން ވިންގްސް، ކޮށި ކުކުޅު،  ސޮސެޖް، ނަގެޓްސް، ޗިކަން ޑްރަމްސްޓިކް، ބޯންލެސް ޗިކަން، ފްރެންޗް ފްރައިސް، ކުކުޅު ކުރަނޑި، ބީފް، މަޓަން، މިކްސްޑް ތަރުކާރީ، ކޮލިފްލާވަރ، ބްރޮކޮލީ،  ސްވީޓް ކޯން ފަދަ ބާވަތްތައް ހިމެނެއެވެ.

ހެޔޮ ފިހާރަ އިން ހޯލްސޭލްކޮށް އަދި ރިޓެއިލްކޮށް މުދާ ލިބިވަޑައިގަންނަވާނެއެވެ. އަދި ބޯޓު، ފެރީ މެދުވެރިކޮށް ރާއްޖޭގެ ކޮންމެ ހިސާބަކަށްވެސް އެ ފިހާރައިން މުދާ ޑެލިވަރީކޮށްދޭނެއެވެ. އޭގެ އިތުރުން މާލޭގެ ކެފޭ އަދި ރެސްޓޯރެންޓުތަކުން ވެސް އޯޑަރު ކޮށްލުމުން މުދާ ޑެލިވަރީ ކޮށްދޭނެއެވެ.

ހެޔޮ ފިހާރައިގެ އެދުމަކީ އެ ފިހާރައިން މި ފެށި ހިލޭ ކުކުޅުކޭހެއް ލިބޭ މި ޕްރޮމޯޝަނުގައި ވީހާވެސް ގިނަ ބަޔަކު ބައިވެރިވެ ވަޑައިގެންދެއްވުމެވެ.