ރައްޔިތުންގެ މަޖިލީހަށް ސަރުކާރާއި އިދިކޮޅު މެމްބަރުން އައުމުން ދަތިވާގޮތް ކުރީގެ ރައީސް އިބްރާހިމް މުޙައްމަދު ޞާލިހު ވިދާޅުވެދެއްވައިފިއެވެ.
ރައީސް ޞާލިހު މިފަދައިން ވިދާޅުވީ، މި މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ މަޖިލިސް އިންތިހާބުގެ ކެމްޕޭނަށް އަތޮޅު ތެރެއަށް ކުރައްވާ ދަތުރުފުޅުގެ ތެރެއިން ލ.މާވަށަށް ވަޑައިގެން އެރަށުގައި ބޭއްވި އިދިކޮޅު އެމްޑީޕީގެ ޖަގަހަ ޖަލްސާގައި ވާހަކފުޅު ދައްކަވަމުންނެވެ.
މިގޮތުން ރައީސް ޞާލިހު ވިދާޅުވީ، މާވަށާއި ހިތަދޫއާއި ކުނަހަންދޫގެ އަސާސީ ހިދުމަތްތައް ފޯރު ކޮށްދިނުމަށްޓަކައި ކުރީ ސަރުކާރުން މަސައްކަތްތަކެއް ފެށި ނަމަވެސް ރައްޔިތުން ބޭނުންވި ހަލުއި މިނުގައި އެމަސައްކަތްތައް ނިންމާލެވޭ ގޮތް ނުވިކަމަށެވެ. އެހެންކަމުން، އެކަންތައް ފުރިހަމަކުރެވޭނީ މަޖިލީހުން ކަން ފާހަގަކުރައްވާ ރައީސް ޞާލިހު ވިދާޅުވީ އޭރު އެ ދާއިރާ ތަމްސީލު ކުރަން ހުރީ ކުރީގެ ސަރުކާރަށް ނިސްބަތްވާ މެމްބަރެއް ނޫން ކަމަށެވެ.
"ތިބޭފުޅުން މިދާއިރާ ތަމްސީލު ކުރުމަށްޓަކައި ތިބޭފުޅުން ހޮއްވެވީ އަޅުގަނޑުމެންނަށް ނިސްބަތްވާ ކެނޑިޑޭޓެއް ނޫން. އެޔާ ގުޅިގެން ގިނަ ދަތިތަކެއް އަޅުގަނޑުމެންނަށް އިހުސާސް ކުރެވުނު."
ރައީސް ޞާލިހު ވިދާޅުވިއެވެ.
ރައީސް ޞާލިހު ވިދާޅުވީ ސަރުކާރަށް ތާއީދު ކުރާ ކެނޑިޑޭޓެއް ދާއިރާ ތަމްސީލު ނުކުރުމުގެ ސަބަބުން ދަތިތަކެއް އިހުސާސް ކުރަންޖެހުނު އިރު، ދާއިރާގެ ތަރައްގީއަށް ޓަކައި ކުރަން ބޭނުންވާ އެއްވެސް ކަމެއްގައި އެއްބާރުލުން ލިބިގެންގޮސްފައިނުވާ ކަމަށެވެ.
Advertisement
This content is created and paid for by advertisers and does not involve Voice Journalists
