ރައްޔިތުންގެ މަޖިލިހުގެ 20 ވަނަ އިންތިޚާބުގައި ހިތަދޫ މެދު ދާއިރާގެ ގޮނޑި އަހުމަދު އަޒާން ކާމިޔާބު ކުރައްވައިފިއެވެ.

ވެރިކަން ކުރާ ޕީއެންސީގެ ކެންޑިޑޭޓު އަދި ނޫސްވެރިޔާ އަހުމަދު އަޒާން މަރްޒޫޤް ހިތަދޫ މެދު ދާއިރާގެ ގޮނޑި ކާމިޔާބު ކުރައްވާފައިވަނީ ހުރިހާ ފޮށްޓަކުންވެސް ކުރި ހޯދައްވައިގެންނެވެ.

ރާއްޖޭގައި ޑިމޮކްރަސީ ތައާރަފްވެ، ސިޔާސީ ޕާޓީތައް އުފެދުނު ފަހުން އައްޑޫގެ ހިތަދޫ ގޮނޑިއެއް އެމްޑީޕީ ފިޔަވާ އެހެން ޕާޓީއަކުން ކާމިޔާބުކުރި މިއީ ފުރަތަމަ ފަހަރެވެ.

Advertisement

އަޒާނަކީ "ދިޔަރެސް" ގެ ނަމުގައި ނޫހެއް ހިންގަވާ، މިދިޔަ ފަސްވަރަކަށް އަހަރު ނޫސްވެރިކަމުގައި އުޅެމުން އައި ޒުވާނެކެވެ.

ސުކޫލް ދައުރުން ފެށިގެންވެސް އަޒާން ވަނީ އައްޑޫގެ ތަރައްޤީއާ ގުޅޭ އެކިއެކި ޕްލޭންތައް ހެދުމުގައި އަމިއްލައަށް އިސްނަންގަވައިގެން ބައިވެރިވެލައްވާފައެވެ. އޭނާ ވަނީ އަޒަރުބައިޖާން އިން ހާރިޖީ ގުޅުންތަކުގެ ރޮނގުން ފުރަތަމަ ޑިގްރީ ހާސިލް ކުރައްވައިފައެވެ.

އަޒާން ކެމްޕެއިން ތަކުގައި ދައްކަވާފައިވާ ވާހަކަ ތަކަށް ބަލާއިރު، އަޒާން ސިޔާސީ ދާއިރާއަށް ނުކުންނަން ގަސްތުކުރެއްވީ އައްޑޫގެ ތަރައްޤީއަށް އިހުމާލުވަމުންދާ ދިޔުން ނިމުމަކަށް ގެނެެސް އައްޑޫގެ ތަރައްޤީގެ ދުވެލި އަވަސް ކުރުމަށެވެ.