މާލެ ސަރަހައްދުގައި ޢީދު ނަމާދު މައިދާނުގައި ކުރާ ސަރަހައްދު ތަކާއި މިސްކިތްތައް އިއުލާން ކޮށްފިއެވެ.

އިސްލާމީ ކަންތައްތަކާބެހޭ ވުޒާރާއިން ކުރި އިއުލާނުގައިވާ ގޮތުން މާލެ ސަރަހައްދުގައި 28 ތަނެއްގައި އަޟްހާ ޢީދު ނަމާދު ކުރާނެއެވެ. 

މިގޮތުން މިފަހަރުގެ އަޟްހާ އީދު ނަމާދު މާލެ ސަރަހައްދުގައި ބޮޑުޖަމާތުގައި ކުރުމަށް ހަމަޖެހިފައި ވަނީ މާލޭގެ މާފަންނު ސްޓޭޑިއަމާއި ވިލިނގިލީ ބޯޅަދަނޑާއި ހުޅުމާލޭގެ ސިންތެޓިކް ޓްރެކާއި، ހުޅުމާލޭ ދެވަނަ ފިޔަވަހީގެ ކުރިކެޓް ސްޓޭޑިއަމް ސަރަހައްދުގައެވެ.

އޭގެ އިތުރުން މާާލޭގައި އީދު ނަމާދު ކުރުމަށް ހަމަޖެހިފައިވާ މިސްކިތްތަކަކީ:

* މަސްޖިދުއްސުލްތާން މުހަންމަދު ތަކުރުފާން އައުޒަމް (އިސްލާމީ މަރުކަޒު)

* މަސްޖިދު މަލި ސަލްމާން

* މަސްޖިދުލްފުރުގާން

* މަސްޖިދުއްނޫރު

* މަސްޖިދުއް ޝަހީދު އަލީ

* މަސްޖިދުލްސުލްތާން ހަސަން އިއްޒައްދީން (ތައިބާ މިސްކިތް)

* މަސްޖިދުލްސުލްތާން މުހަންމަދު ފަރީދުލް އައްވަލު (ދުބުރި މިސްކިތް)

* މަސްޖިދު ޝަހީދު އަބްދުލްރަޙްމާން (ފަނޑިޔާރު މިސްކިތް)

* މަސްޖިދުލްސުލްތާން މުހަންމަދު ޝަމްސުއްދީން (ބަންޑާރަ މިސްކިތް)

* މަސްޖިދު ސަލާހުއްދީން* މަސްޖިދު ޖަލާލުއްދީން

* މަސްޖިދު އިބްރާހިމް 

* މަސްޖިދު އިސްކަންދަރު

* ވަގުތީ މިސްކިތް (ބޮޑުގެ)

* މަސްޖިދުއްސުލްތާން މުހަންމަދު އިމާދުއްދީން (ރަން މިސްކިތް)

* މަސްޖިދުއްޝައިހް މުހަންމަދު ޖަމީލް ދީދީ (ފައިފުހޭ މިސްކިތް)

މީގެ އިތުރުން ހުޅުމާލޭގައި މަސްޖިދު އުސްމާން ބިން އައްފާން، މަސްޖިދު ޙަސަން އާދަމްް އަދި މަސްޖިދު އަމީލް ޖަލީލްގައި އީދު ނަމާދު ކުރާނެއެވެ.

އިސްލާމީ ކަންތައްތަކާ ބެހޭ ވުޒާރާއިން ބުނީ މޫސުން ތަން ނުދިނުމުގެ ސަބަބުން މައިދާންތަކުގައި ކުރުމަށް ހަމަޖެހިފައިވާ ބޮޑު ޖަމާއަތުގެ އީދު ނަމާދު ކެންސަލް ކުރަން ޖެހިއްޖެ ނަމަ މާލޭގައި ހުކުރު ކުރާ ހުރިހާ މިސްކިތެއްގައި އީދު ނަމާދު ކުރާނެ ކަމަށެވެ.

ހުރިހާ މައިދާންތަކާއި މިސްކިތްތަކުގައި ވެސް އަންހެނުންނަށް އީދު ނަމާދުކުރެވޭނެ ޖާގަ ހަމަޖައްސާފައިވާނެ ކަމަށް އެ ވުޒާރާއިން ވަނީ ބުނެފައެވެ.

1445 ވަނަ އަހަރުގެ އަހަރުގެ ޢަރަފާތު ދުވަހަކީ މިމަހުގެ 15ވާ ހޮނިހިރު ދުވަސްކަމަށާއި، އަޟްޙާ ޢީދު ދުވަހަކީ 16 ޖޫންވާ އާދިއްތަ ދުވަސްކަމުގައި އިސްލާމީ ކަންތައްތަކާބެހޭ ވުޒާރާއިން ވަނީ އިއުލާން ކޮށްފައެވެ.