އާދައިގެ ހެދުމުގައި ތިބެ ފުލުހުންކަމަށް ބުނާ މީހުންގެ އައިޑެންޓިޓީ ކަށަވަރުކުރުމަށް ސްރީލަންކާ ލަންކާ ފުލުހުން އިލްތިމާސްކޮށްފިއެވެ.

ލަންކާ ފުލުހުން މިކަކަމަށް އިލްތިމާސްކޮށްފައިވަނީ ހުކުރު ދުވަހުގެރޭ ކޮޅުނބުގެ މަރަދާނަ ސަރަހައްދުގައި، ސައިކަލެއްގައި ދިޔަ ދެމީހަކު ފުލުހުންކަމަށް ބުނެ އާއްމު މީހެއްގެ ފޯނު ފޭރުނު މައްސަލަކަށްފަހުއެވެ. ހުކުރު ދުވަހުގެރޭ ކެޓަވަލަމުއްލާ ޖަންގްޝަން ކައިރިން އާއްމުންގެ މީހަކު ހިނގާފައި ދަނިކޮށް، ސައިކަލެއްގައި ދިޔަ އާދައިގެ ހެދުމުގައި ތިބި ދެމީހުކު އެމީހުންނަކީ ފުލުހުންކަމަށް ބުނެ އޭނާ ހުއްޓުވިއެވެ. އަދި ހުއްޓުވުމަށްފަހު ޗެކްކުރަނީކަމަށް ބުނެ އޭނާގެ ފޯނާއި ވޮލެޓް ފޭރިގަތުމަށްފަހު، ފޯނު އަނބުރާ ލިބޭނީ މަރަދާނަ ޕޮލިސް ސްޓޭޝަނަށް ދިޔުމުންކަމަށް ބުނެ އެސަރަހައްދުން ފިލިއެވެ.

އެމީހާ އަތުލައިގެންފައިވަނީ ހޮނިހިރު ދުވަހުގެރޭ ފުލުހުންނަށް ލިބުނު މައުލޫމާތަކާއި ގުޅިގެން، މަސްތުވާތަކެއްޗާއި ދެކޮޅަށް ހިންގި އޮޕަރޭޝަނެއްގައެވެ. އެގޮތުން މަސްތުވާތަކެތި ވިއްކަމުންދާ މީހެއްކަމަށް ބުނެ ފުލުހުންނަށް ލިބުނު މައުލޫމާތަކާއި ގުޅިގެން ސައިކަލެއްގައި ދިޔަ މީހަކު ހުއްޓުވިއިރު، އެ ސައިކަލަކީ ކުރީ ރޭ ފޭރުމުގެ އަމަލު ހިންގި ސައިކަލުކަމަށް ފުލުހުން ލަންކާގެ މީޑީއާއަށް މައުލޫމާތު ދީފައިވެއެވެ.

އާދައިގެ ހެދުމުގައި ތިބޭ ބަޔަކު ފުލުހުންކަމަށް ބުނެ ހުއްޓުވައި، ބަލައި ފާސްކުރަން އުޅޭނަމަ އެމީހުންގެ ފުލުސް ކާޑު ދެއްކުމަށް އެހުމަށް ފުލުހުން އިލްތިމާސްކުރެއެވެ.