މިއަދު ނިޔާވި މަޝްހޫރު ފުޓުބޯޅަ ތަރި މުޙައްމަދު ޢާރިފް (ބަކާ)ގެ ޖަނާޒާ މިރޭ ފަތިސް ނަމާދަށް ފަހު ބާއްވަން ނިންމައިފިއެވެ.
ބަކާގެ ކަށުނަމާދު ކުރުމަށް ހަމަޖެހިފައިވަނީ އިސްލާމީ މަރުކަޒުގައި މިރޭ ފަތިސް ނަމާދަށްފަހުއެވެ. އަދި ވަޅުލުމަށް ހަމަޖެހިފައިވަނީ ގަލޮޅު ސަހަރާގައެވެ.
މިއަދުގެ ވަގުތެއްގައި ބަކާ ނިޔާވެފައިވަނީ، ޙައްޖުގެ މާތް އަޅުކަން އަދާކުރުމަށްފަހު، އެނބުރި އައިތަނާ، ޙާލު ދެރަވެ، އޭޑީކޭ ހޮސްޕިޓަލުގެ އައިސީޔޫގައި ފަރުވާ ދެމުން ދަނިކޮށެވެ. ބަކާ ނިޔާވެފައިވަނީ ނުރައްކާތެރި ބައްޔެއް ކަމަށްވާ، އިންވޭސިވް މެނިންގޯކޮކަލް ޖެހިގެންނެވެ.
ޢުމުރުން 38 އަހަރުގެ ބަކާ އަކީ، ރާއްޖޭގައި އުފެދުނު އެންމެ ފާހަގަ ކޮށްލެވޭ މިޑްފީލްޑަރެވެ. 2004 ވަނަ އަހަރު އައިލަންޑް ފުޓްބޯލް ކްލަބުން ކެރިއަރު ފެށި ބަކާ ވަނީ ޤައުމީ ޓީމުން 2018 ވަނަ އަހަރު ސާފް ޗެމްޕިއަންޝިޕް ކާމިޔާބުކުރި ޓީމުގައިވެސް މުހިންމު ރޯލެއް އަދާކޮށްފައެވެ. އަދި ބަކާ ވަނީ ރާއްޖޭގެ ފުރަތަމަ ޑިވިޜަނުގެ ގިނަ ކްލަބުތަކެއްގެ އިތުރުން މިޔަންމާގެ ކޭބީޒެޑް އަށް ވެސް ކުޅެފައެވެ.
Advertisement
This content is created and paid for by advertisers and does not involve Voice Journalists
