ހުޅުމާލެ ދެވަނަ ފިޔަވަހީގައި ނުރައްކާތެރި އެކްސިޑެންޓެއް ހިނގައިފިއެވެ.
މިއަދުގެ މެންދުރުގެ ވަގުތެއްގައި ހިނގި މި އެކްސިޑެންޓާއި ގުޅޭގޮތުން ފުލުހުން ބުނީ، ހުޅުމާލެ ފޭސް 2 ވިނަރެސް ފްލެޓް ކައިރީގައި ކާރަކުން ސައިކަލެއްގައި ޖެހި އެކްސިޑެންޓެއް ހިނގާފައިވާ ކަމުގެ ރިޕޯޓު މެންދުރުގެ ވަގުތެއްގައި ލިބުނު ކަމަށެވެ.
އެކްސިޑެންޑް ހިނގާފައިވަނީ ބާރު ސްޕީޑުގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް މަގުގެ އެއް ފަރާތުގައި މަޑުކޮށްގެން ހުރި ސައިކަލެއްގައި ޖެހިގެންކަމަށާއި، މި އެކްސިޑެންޓްގައި ހިމެނޭ ސައިކަލް ގައި އިން ފިރިހެން މީހާއަށް އަނިޔާވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެއެވެ.
ހުޅުމާލެ ދެވަނަ ފިޔަވަހީގައ މިއަދު ހިނގި އެކްސިޑެންޓް-- ފޮޓޯ: ވޮއިސް
އެމީހާގެ ހާލު ސިރީއަސްއިރު، ހުޅުމާލެ ހޮސްޕިޓަލުން ބުނީ، އެމީހާ އައިޖީއެމްއެޗް ހޮސްޕިޓަލަށް ބަދަލު ކުރުމަށް ހުޅުމާލޭ ހޮސްޕިޓަލުން ރިފަރ ކޮށްފައިވާނެކަމަށެވެ.
މި އެކްސިޑެންޓްގެ މަންޒަރު ފެންނަ ސީސީޓީވީ ފްޓޭޖެއް ދައުރުވަމުންދާއިރު، އޭގެން ފެންނަ ގޮތުގައި، ސައިކަލެއް ގައި އައި މެދު އުމުރުގެ މީހަކު މަގުގެ އަރިމައްޗެއްގައި މަޑުކޮށްގެންލައިގެން ހުއްޓާ ކޮންޓްރޯލުން ނައްޓާފައި ހުރި ރަތް ކުލައިގެ ކާރެއް އައިސް އެމީހާ ގައިގައި ޖެހުމާއި އެކު އޭނާ ވިއްސައިގެން ދެއެވެ.
މިއެކްސިޑެންޓްގައި ހިމެނޭ ކާރު ދުއްވި މީހާ އެކްސިޑެންޓްވުމުން ފިލައިގެން ގޮސްފައިވާތީ، އޭނާ ހޯދުމުގެ މަސައްކަތް ފުލުހުން އަންނަނީ ކުރަމުންނެވެ.
Advertisement
This content is created and paid for by advertisers and does not involve Voice Journalists
