ޓެކެނިކަލް މައްސަލައެއް ދިމާވެ، ބޭންކް އޮފް މޯލްޑިވްސް (ބީއެމްއެލް) އެޕާއި އިންޓަނެޓް ބޭންކިންގެ ގެ ޚިދުމަތް މެދުކެނޑިއްޖެއެވެ.

މިއަދު 6:45 ހާއިރުން ފެށިގެން ބީއެމްއެލް އެޕް ޑައުންވެ އެޕްއިން ފައިސާގެ މުއާމަލާތް ނުކުރެވޭ ގޮތް ވަނީ ވެފައެވެ.

މިކަމާއި ގުޅިގެން ބީއެމްއެލްއިން މިއަދު ހެނދުނު އެކްސްގައި ކޮށްފައިވާ ޕޯސްޓެއްގައި ބުނީ ޓެކްނިކަލް މައްސަލައެއްގެ ސަބަބުން އެޕާއި އިންޓަނެޓް ބޭންކިން ބުރޫ އަރައިފައިވާ ކަމަށެވެ.

އެ މައްސަލަ ވީހާވެސް އަވަހަށް ހައްލު ކުރުމަށް މަސައްކަތް ކުރަމުން އަންނަ ކަމަށާއި އެ ވަގުތުތަކުގައި ދިމާވެދާނެ ދަތިތަކަށް ކަސްޓަމަރުންގެ ކިބައިން މައާފަށް އެދޭ ކަމަށް ބޭންކުން ބުނެފައިއެވެ.

ބީއެމްއެލްގެ އޮންލައިން ޚިދުމަތްތަކަށް މިދިޔަ ބުރާސްފަތި ދުވަހު ވެސް ބުރޫއަރައި ޚިދުމަތް މެދުކެނޑުނެވެ.

އެދުވަހު ބޭންކުން ބުނީ އެ މައްސަލަ ދިމާވީ ޕޭމަންޓް ޕްރޮސެސް ކުރުމުގައި ހިއުމަން އެރާއެއްގެ ސަބަބުން ކަމަށެވެ.