މިދިޔަ ހޯމަ ދުވަހު މުޅި ދިވެހިރާއްޖެވެސް ސިއްސުވާލައި “މޭނުބައި ކުރުވި” ޚަބަރަކީ ބަންގްލަދޭޝްގެ ރައްޔިތެއް ކަމަށްވާ އަރަފާތު ޙޮސައިން، މާލޭގައި ދިރިއުޅެމުންދާ ބުޅާތައް ހިފައި، އޭގެ މަސް ކައްކައިގެން ކައިބޯ ތަކެތި ހަދައިގެން ވިއްކާ ކަމުގެ ޚަބަރެވެ. 

މިޚަބަރާއި ގުޅިގެން އެތައް ބައެއްގެ ބޮޑެތި ކަންބޮޑުވުންތައް ހުރި އިރު، ބުޅަލުގެ މަސް ކެއުމުގެ ޙުކުމާއިމެދުވެސް ގިނަ ބަޔަކު އަންނަނީ ސުވާލު އުފައްދަމުންނެވެ. 

އެގޮތުން، “ދާރިސް ޓީވީ” ގެ ރޭގެ ޢިލްމީ ޚަޒާނާ ޕްރޮގްރާމްގައިވެސް މީހަކު ވަނީ ދީނީ ޢިލްމުވެރިޔާ އައްޝައިޚް އަބްދުއްސަލާމް ދާވޫދާއި އެ ސުވާލު ކޮށްފައެވެ. 

Advertisement

ސުވާލަށް ޖަވާބު ދެއްވަމުން ޝެއިޚް ވިދާޅުވީ، ކީރިތި ޤުރުޢާނުގައި މާތް الله ޞުބުޙާނަހޫ ވަތަޢާލާ ޙަރާމް ކުރައްވާފައިވަނީ އޫރުމަސް ކެއުން ކަމަށެވެ. 

ބުޅަލުގެ މަސްކެއުން ދީނީ ގޮތުން ޙަރާމް އިރު، އެއީ ސިއްޙީ ގޮތުންވެސް ބަލިތައް ޖެހުމަށް މެދުވެރުވާ ސިއްޙަތައް ނުހަނު ގެއްލުންހުރި އެއްޗެއް ކަމަށް ސިއްޙަތާއި ބެހޭ ތަޖުރިބާކާރުން ބުނެއެވެ.  

އެހެންކަމުން، ނޭނގި ނަމަވެސް މިފަދަ ނުރައްކާތެރި އެއްޗެހި ކެއުމުން ސަލާމަތްވުމަށް، އަމިއްލައަށް ގޭގައި ތައްޔާރުކުރާ ކާނާ ތިމާއަށާއި ޢާއިލާއަށް ކާންދިނުމަކީ މުހިންމު ކަމެކެވެ.