ބޭންކް އޮފް މޯލްޑިވްސް (ބީއެމްއެލް)ގެ ބޯޑުން އެ ކުންފުނީގެ ޑެޕިއުޓީ ސީއީއޯ، އައިޝަތު ނޫރައްދީން ވަކިކޮށްފައިވާ ކަމަށް، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން ސިޓީ ފޮނުވާފައިވަނިކޮށް އޭނާ އެ މަގާމުން އިސްތިއުފާ ދެއްވައިފިއެވެ.
ޕީސީބީން، ނޫރައްދީން ބޯޑު މެންބަރުކަމުން ވަކިކޮށްފައިވާ ކަމަށް ސިޓީ ފޮނުވީ މިދިޔަ ބުރާސްފަތި ދުވަހުއެވެ.
ނަމަވެސް، ބޭންކްގެ އަސާސީ ގަވާއިދު ބުނާގޮތުން އެ ބޭންކަކީ އާންމު ރައްޔިތުން ވެސް ހިއްސާވާ ކުންފުންޏަކަށް ވާތީ އެ ބޭންކުގެ ބޯޑް ޑިރެކްޓަރުން ވަކިކުރެވެނީ ހިއްސާދާރުންގެ އާންމު ޖަލްސާއަކުންނެވެ.
އެހެންކަމުން، ޕީސީބީއަށް ބޭންކުގެ ބޯޑު މެންބަރަކު ވަކި ނުކުރެވޭނެ ކަމަށް ބައެއް ގާނޫނީ ބޭފުޅުން ދިޔައީ ބުނަމުންނެވެ.
އެފަދަ ވާހަކަދރކެވރމުން ދަނިކޮށް، ބީއެމްއެލް އިން ވަނީ އެ ބޭންކުގެ ބޯޑު މެންބަރުކަމުން މި އާދިއްތަ ދުވަހު، ނޫރައްދީން އިސްތިއުފާ ދެއްވިކަން ހާމަކޮށްފައެވެ.
ނަމަވެސް، އަދިވެސް އައިޝަތު ނޫރައްދީން ހުންނެވީ ބޭންކުގެ ޑެޕިއުޓީ ސީއީއޯގެ މަގާމުގައެވެ.
ނޫރައްދީން ބޭންކަށް ޚިދުމަތް ކުރައްވާތާ 42 އަހަރު ވަނީ ވެފައެވެ.
މިދިޔަ ޖެނުއަރީގައި ވެސް ޕީސީބީން ބީއެމްއެލްގެ ފަސް ޑިރެކްޓަރަކު މަގާމުން ވަކިކުރި އެވެ. ނަމަވެސް އެގޮތަށް އަމަލު ކުރެވިދާނެ ކަމާ މެދު ގާނޫނީ ސުވާލުތައް ކުރިމަތިވެ ޕީސީބީން އޭރު އެންގި އެންގުން ބާތިލްކޮށް އެ ބޭފުުޅުން އަލުން ބޯޑަށް ހަމަޖެއްސި އެވެ. އެ ބޭފުޅުން ފަހުން ވަކިކުރީ ހިއްސާދާރުންގެ އާންމު ޖަލްސާއަކުންނެވެ.
Advertisement
This content is created and paid for by advertisers and does not involve Voice Journalists
