ދޫނިދޫ ޖަލުގައި އެމަނިކުފާނު ހުންނެވިއިރު، އެތަނުގައި އެމަނިކުފާނު ދަންޖެއްސެވުމަށް ބައެއް ތަކެތި ބަހައްޓާފައިހުރި ކަމަށާ އެއީ ކޮންކޮން ސާމާނެއްތޯ ބަލަންޖެހޭ ކަމަށް ކުރީގެ ރައީސް އަބްދުالله ޔާމީން އަބްދުލްޤައްޔޫމް ވިދާޅުވެއްޖެއެވެ.
ރޭ ޕީއެންއެފް އޮފީހުގައި ބޭއްވި ޖަލްސާގައި ވާހަކަދައްކަވަމުން ސިފައިންގެ މާލޭ އޭރިއާގެ ކުރީގެ ކޮމާންޑަރު ކެޕްޓަން އަހުމަދު ފަޔާޒު އަލީ ރިޒާ (ޕާޕާ) ވަނީ ކުރީގެ ނާއިބު ރައީސް އަހުމަދު އަދީބުގެ އަރިސް ދެ ފުލުހުން ރައީސް ޔާމީން ދޫނިދޫ ޖަލުގައި ދަންޖައްސައި މަރާލުމަށް ރޭވި ކަމަށް ތުހުމަތު ކޮށއފައެވެ.
އެގޮތުން އޭނާ ވިދާޅުވީ، އެ ދެ ފުލުހުން، އަދީބުއާއި ގުޅިގެން ރޭވީ ކޯޓު އަމުރުގެ ދަށުން ރައީސް ޔާމީން ދޫނިދޫ ޖަލަށް ގެންދިޔުމަށްފަހު އެތަނުގައި މަރާލަން ކަމަށާ، އެފަދައިން މަރާލުމަށްފަހު، އެމަނިކުފާނު އަމިއްލައަށް މަރުވި ކަމަށް ދައްކައި އެކަމާއި ގުޅޭ ހެކިތައްވެސް ނައްތާލަން ކަމަށެވެ.
އެހެން ނަމަވެސް އެކަން ނުވީ، އެ މަސައްކަތުގައި ބައިވެރިވާންތިބި އެމްއެންޑީއެފްގެ އޮފިޝަލުން ”ކޮންމެވެސް ކަމެއް ވެގެން ބެޗީމަ” ކަމަށް އޭނާ ވިދާޅުވިއެވެ.
ޕާޕާގެ ވާހަކައާއި ގުޅިގެން ރައީސް ޔާމީންވެސް ވަނީ އެމަނިކުފާނު ދޫނިދޫ ޖަލަށް ލުމުގެ ކަންކަމުގައި އިސްކޮށް އުޅުއްވީ ކުރީގެ ނާއިބު ރައީސް އަހުމަދު އަދީބުގެ ވަރަށް އަރިސް ދެ ފުލުހުން ކަމަށް ވިދާޅުވެފައެވެ.
އަދި ޕާޕާ އެ ކުރެއްވި ތުހުމަތުތަށް ފުލުހުންގެ ކޮމިޝަނަރ ބަލަންޖެހޭ ކަމަށްވެސް އެމަނިކުފާނު ވިދާޅުވިއެވެ.
ފުލުހުންގެ ކޮމިޝަނަރ އެބަ ބަލަންޖެހޭ ޖަލުގެ އަލްކަތްރާ ސެލްގައި ރައީސް ޔާމީން ދަންޖައްސަން ބަހައްޓާފައިހުރި ކޮންކަހަލަ ސާމާނެއްތޯ. ބަލާފަ ރައްޔިތުންނަށް ކިޔައިދޭންޖެހޭ.
ކުރީގެ ރައީސް ޔާމީން އަބްދުލް ގައްޔޫމް
ރައީސް ޔާމީން ވިދާޅުވީ އެ މައްސަލަ ބެލުމަށްފަހު އެއީ “ފޭކު” ވާހަކަ އެކޭ ނުބުނެވޭނެ ކަމަށާ، އެފަދައިން ކަންކޮށއފި ނަމަ ފުލުހުންނަށް އޮންނަ އިތުބާރު ގެއްލޭނެ ކަމަށެވެ.
ާ
Advertisement
This content is created and paid for by advertisers and does not involve Voice Journalists
