އިނާ މޯލްޑިވްސްގެ ދެ އޮފީހަށް ވަގުން ވަދެ އެތަނަށް ގެއްލުން ދީފިއެވެ.
އިނާ މޯލްޑިވްސްގެ ދެ އޮފީސް ފަޅާލާފައި ވަނީ ރޭ މެންދަމުގެ ވަގުތެއްގައެވެ.
އެ އޮފީހުން ބުނެފައިވާ ގޮތުން، އެތަނުން މުހިންމު އެއްވެސް އެއްޗެއް ވަގަށް ނަގާފައި ނުވެއެވެ.
އިނާ މޯލްޑިވްސް ގެ އޮފީހަށް ގެއްލުން ދީފައި: ފޮޓޯ/ މީސް މީޑިއާ
އެހެންނަމަވެސް، އޮފީހުގެ ތަޅުތަކާއި މުދަލަށް ބޮޑެތި ގެއްލުންތަކެއް ދީފައިވާކަމަށް އެ ކުންފުނިން ބުންޏެވެ.
އިނާ މޯލްޑިވްސް ގެ އޮފީހަށް ގެއްލުން ދީފައި: ފޮޓޯ/ މީސް މީޑިއާ
މީސްމީޑިއާގައި އާއްމުވެފައިވާ ފޯޓޯ ތަކުން އެނގޭ ގޮތުން އެތަނުގެ ލިޔެކިޔުންތަކާއި ބައެއް ތަކެތިވެސް ހުރީ ބިންމައްޗަށް އުކާލާފައެވެ.
މި ހާދިސާއާ ގުޅިގެން ފުލުހުން ބުނީ، އަމީރު އަޙްމަދު މަގުގައި ހުރި 3 އިމާރާތަކަށް ގެއްލުންދީ ވައްކަންކޮށްފައިވާ މައްސަލަ ރޭގެ ވަގުތެއްގައި ރިޕޯޓްކޮށްފައިވާ ކަމަށެވެ.
މި މައްސަލަ ފުލުހުން ގެންދަނީ ތަޙުޤީޤުކުރަމުންނެވެ.
Advertisement
This content is created and paid for by advertisers and does not involve Voice Journalists
