ނެތިފައިވާ ފުޓުބޯޅައިގެ ފޯރި ދިރުވަން މުޅި ރާއްޖެ ހިމެނޭ މުބާރާތެއް ބާއްވަން ނިންމައިފިއެވެ.

ނައިންޓީ ޕްލަސްއާއި ސްޕޯސްޓް މިނިސްޓްރީ ގުޅިގެން, ގޯލްޑް ކަޕް ނަމުގައި ބާއްވާ މި މުބާރާތް ބާއްވާ ވަކި ތާރީހެއް މުޅިން ފައިނަލްވެފައި ނުވި ނަމަވެސް ނޮވެމްބަރުމަހުގެ ފަހުކޮޅު މި މުބާރާތް ފަށާނެ ކަމަށް މައުލޫމާތު ލިބެއެވެ. 

މި މުބާރާތުގައި ބައިވެރިވުމުގެ ފުރުސަތު ރާއްޖޭގެ އެކި ކަންކޮޅުތަކަށް ހުޅުވާލެވޭއިރު، މުބާރާތުގައި 24 ޓީމަށް ބައިވެރިިކުރާނެއެވެ. އެގޮތުން، ރާއްޖޭގެ ފަސް ސިޓީން ޓީމުތަކަށާ، ފުޓުބޯލައިގެ ފޯރި ގަދަ ރަށްތަކުގެ އިތުރުން އެހެން ރަށްތަކަށްވެސް މުބާރާތުގައި ބައިވެރިވުމުގެ ފުރުސަތު ދެވޭނެ އެވެ. 

Advertisement

މުބާރާތުގެ މެޗުތައް ކުޅޭނީ ގަލޮޅު ރަސްމީ ދަނޑުގައެވެ.

މި މުބާރާތުގެ ޗެމްޕިއަން ޓީމަކަށް އެއްލައްކަ ރުފިޔާގެ ފައިސާގެ އިނާމެއް ދިނުމަށް ނިންމައިފައިވާއިރު، ރަނަރަޕް ޓީމަކަަށް 50،000 ރުފިޔާގެ ފައިސާގެ އިނާމެއް ދޭން ވަނީ ނިންމައިފައެވެ.

ފުޓުބޯޅައަކީ ދިވެހިން އެއްބައިވަންތަ ކުރުވާ، ދިވެހިންނާއި ވަރަށް ބޮޑު ގުޅުމެއް އޮންނަ ކުޅިވަރެއް ނަމަވެސް، އެ ފޯރި ފަނޑުވެ މިހާރު ފުޓުބޯޅައަށް އޮންނަ ލޯބި ވަނީ އާއްމުންގެ މެދުގައި ކުޑަވެފައެވެ.