ޓެކްސް އެޕީލް ޓްރައިބިއުނަލްގެ ހުސްވެފައިވާ މަގާމު ތަކަށް ބޭފުޅުން އައްޔަންކުރުމަށް ޓަކައި ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ފޮނުއްވި 13 ނަން، ރައްޔިތުންގެ މަޖިލީހުގެ ޖުޑިޝަރީ ކޮމިޓީއަށް މިއަދު ފޮނުވައިފިއެވެ.

މަޖިލީހުގެ މިއަދުގެ ޖަލްސާގައިވަނީ، ޓެކްސް އެޕީލް ޓްރައިބިއުނަލްގެ މެމްބަރުކަމަށް ކުރިމަތިލާން އާންމުކޮށް ހުޅުވައިލުމުން ކުރިމަތި ލެއްވި 13 ބޭފުޅުންގެ ނަމާއެކު ރައީސް މުޢިއްޒު ފޮނުއްވި ސިޓީ އިއްވާފައެވެ. 

އެގޮތުން މެންބަރު ކަމަށް ކުރިމަތިލީ:

ހަސަން ޒުހައިރު މުޙައްމަދު، ގ. މާވަރުލު

އައިޝަތު އާދަމް، ރިވެލި/ ރ. އަލިފުށި

އިބްރާހިމް ޝަރީފް، ގ. އަލްޝާ

ޝިފްޒާ އަބްދުލްގައްޔޫމް، ގަސްދޮށުގެ/ ގއ. ނިލަންދޫ

އަހްމަދު ސައީދު، މ. ފަތްކޯޅި (ހުޅަނގުބައި)

އަބްދުالله އަބްދުލްހަކީމް އަޒާން ޕެލަސް/ ޅ. ނައިފަރު

މުޙައްމަދު އަމީން ޒާހިރު، ނީލާ/ ސ. ހިތަދޫ

މުޙައްމަދު ފާރިސް ޠާހާ، ހ. ސޯސަން

އަބްދުލް ޣަނީ މުޙައްމަދު، ހ. ހޯސްސައިޑް

އަހްމަދު އަލީ، ހުޅުމާލެ ފްލެޓް 1-ޖީ-108

އަލީ ރިޒާ އިސްމާއިލް، ހުޅުމާލެ ހިޔާ 2-13-3

ފާތިމަތު ޝަފީނާޒް، ހުޅުމާލެ ގޯތި 11،021

މަޖީދު އަލީ، މަތަރެސްމާގެ/ ގއ. ދާންދޫ

މި ބޭފުޅުންގެ ތެރެއިން ހަތަރު ބޭފުޅަކު ކަނޑައަޅުއްވައިދެއްވުމަށް ރައީސްގެ ސިޓީގައި ވަނީ އެދިވަޑައިގެންފައެވެ.

ޓެކްސް އެޕީލް ޓްރައިބިއުނަލްގެ މައްސަލަތަކެއް ބެލުމަށް ފަހު މަޖިލީހުގެ ޖުޑިޝަރީ ކޮމިޓީން، ޓްރައިބިއުނަލްގެ މެންބަރު އިސްމާއީލް ސާޖިދު ފިޔަވައި ބާކީ ތިއްބެވި ހަތަރު މެމްބަރުން މަގާމުން ވަކިކުރާން ރައީސް މުޢިއްޒަށް ލަފާ އެރުވުމުން އެ މެންބަރުން ވަކިކުރެއްވީ އޯގަސްޓު މަހުގެ 26ވަނަ ދުވަހުއެވެ.

އޭނާ ވަކި ނުކުރީ އެ މައްސަލަ ކޮމެޓީގެ ސަމާލުކަމަށް ގެނައުމުގައި އޭނާގެ ހެޔޮ ނިޔަތް އޮތް ބެލެވޭތީ ކަމަށް ކޮމިޓީން ބުނެފައިވެއެވެ.

އެ ޓްރައިބިޔުނަލުން ވަކިކޮށްފައިވަނީ:

ޓެކްސް އެޕީލް ޓްރައިބިއުނަލްގެ ރައީސް މުހައްމަދު މުނައްވަރު އަލީ

ޓެކްސް އެޕީލް ޓްރައިބިއުނަލްގެ ނައިބު ރައީސް ހުސެއިން ޒައިދާން ޖަލީލް

ޓެކްސް އެޕީލް ޓްރައިބިއުނަލްގެ މެންބަރު ޚަދީޖާ ނައީމް

ޓެކްސް އެޕީލް ޓްރައިބިއުނަލްގެ މެންބަރު އަހުމަދު އަޝްރަފް