މިދިޔަ އަހަރާ އަޅާބަލާއިރު، މިއަހަރުގެ މިހާތަނަށް ސަރުކާރުގެ ހަރަދުތައް ހިފެހެއްޓިފައިވާކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފިއެވެ.

ފިނޭންސުން މިއަދު އާއްމުކޮށްފައިވާ ދައުލަތުގެ ހަރަދުބަރަދު ތަފްސީލްތަކަށް ބަލާއިރު، މިދިޔަ އަހަރުގެ މި މުއްދަތާ އަޅާބަލާއިރު، މުޅި ޚަރަދަށް އިތުރުވެފައިވަނީ 700 މިލިއަން ރުފިޔާއެވެ. 

މިއަހަރުގެ އޮކްޓޯބަރުގެ ނިޔަލަށް ސަރުކާރުން 37.7 ބިލިއަން ރުފިޔާ ވަނީ ހަރަދުކޮށްފައެވެ. މިދިޔަ އަހަރުގެ މި މުއްދަތުގައި މިއަދަދު ހުރީ 36.9 ބިލިއަން ރުފިޔާގައެވެ. މިއަހަރުގެ މިހާތަނަށް އާމްދަނީގެ ގޮތުގައި 28.2 ބިލިއަން ރުފިޔާ ލިބުނުއިރު، މިދިޔަ އަހަރު މި އަދަދު ހުރީ 27.7 ބިލިއަން ރުފިޔާގައެވެ.

ލޯނުތައް އަދާކުރުމަށް 2 ބިލިއަން ރުފިޔާ

ގްރާންޓް އަދި ސަބްސިޑީ: 8.3 ބިލިއަން ރުފިޔާ

އާސަންދަ: 1.7 ބިލިއަން ރުފިޔާ

ސަރުކާރުން މާލީހިސާބުތައް އާއްމުކޮށްފައިމިވަނީ މިދިޔަ އަހަރުގެ މާލީ ހިސާބުތަކަށް ނާރުވައިއޮތް ދެ ބިލިއަނެއްހާ ރުފިޔާގެ މައްސަލަ ހައްލުކުރުމަށް ފަހުއެވެ.

މިއަހަރުގެ ހަރަދުތަކާ ގުޅޭގޮތުން ފިނޭންސުން ބުނީ، މިދިޔަ އަހަރުގެ ޚަރަދުގެ ތެރެއިން ރިކޯޑުނުކޮށްވާ 2 ބިލިއަނެއްހާ ރުފިޔާގެ ތަފްސީލުތައް ކަށަވަރުކުރުމުގެ މަސައްކަތް އޮޑިޓް އޮފީހުން ކުރަމުން އަންނަ ކަމަށެވެ. ހަރަދުތަކުގެ އެ ތަފްސީލްތައް ލިބުމާއެކު 2023 ގެ ޚަރަދުތަކުގެ އަދަދުތަކަށް ބަދަލު އަންނާނޭކަމަށް ފިނޭންސުން ބުންޏެވެ.

ދައުލަތުގެ މިއަހަރުގެ ހަަރަަދުތަަކަަށްް ބަަލާއިރު، އަހަރުގެ މިހާތަަަނަަށް މުސާރައަށް ކުރާ ހޭދަ ބޮޑުވެފައިވަނީ، ސިފައިންނާ ފުލުހުންނާ، ކުރިން ޕޭ ހާމަނައިޒްކޮށްފައިވާ އެހެނިހެން ޕްރޮފެޝަންތަކުގެ މުސާރައާ ގުޅިގެން ކަަމަަށެވެ.

ފިނޭންްްްްސުން އާއްްމުކުރި ޚަރަދުތަކަށް ބެލުމުން، މި އަހަރަށް ފާސްކޮށްފައިވާ ބަޖެޓު ހުސްނުވާއިރު، ސަޕްލިމެންޓަށް ބަޖެޓު ހުށައަޅާފައިވަނީ، ފާސްކޮށްފައިވާ އަދަދަށްވުރެ އިތުރަށް ޚަރަދު ހިނގާނެކަމަށް އަންދާޒާކުރެވޭތީކަމަށް ފިނޭންސުން ބުނެއެވެ.