މިދިޔަ ބުރާސްފަތި ދުވަހު، ޑްރޯންގެ އެހީގައި ލޮކޭޓްކޮށް، ރާއްޖޭގެ ސަރަހައްދުން އަތުލައިގަތީ ސްރީލަންކާއަށް ނިސްބަތްވާ މަސް ބޯޓެއް ކަމަށް އެމްއެންޑީއެފުން މިއަދު ބުނެފިއެވެ.
ރާއްޖޭގެ ޚާއްޞަ އިޤްތިޞާދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގައި، ޤާނޫނާ ޚިލާފަށް ޚާއްޞަ އިޤްތިޞާދީ ސަރަހައްދުގައި ހަރަކާތްތެރިވަމުންދިޔަ ބޭރުގެ މަސް ބޯޓެއް، އަތުލައިގަނެފައިވާކަމަށް އެމްއެންޑިއެފުން މީގެ ކުރިން ބުނެފައިވެއެވެ.
އަދި މި މަސްބޯޓު އަތުލައިގަނެފައިވަނީ، އެމްއެންޑީއެފް އެއަރ ކޯރ ޑްރޯން ގެ އެހީގައި ލޮކޭޓް ކުރުމަށްފަހުކަމަށް އެމްއެންޑީއެފުން ބުނެއެވެ.
މިކަމާ ގުޅޭ އިތުރު މައުލޫމާތު ހިއްސާ ކުރަމުން އެމްއެންޑީއެފުން މިއަދު ބުނީ، އެއީ ސްރީލަންކާއަށް ނިސްބަތްވާ އުޅަނދެއް ކަމަށާއި އުޅަނދުގައި ތިން މީހުން ތިބި ކަމަށެވެ.
އެ އުޅަނދު މިހާރު ފުލުހުންނާ ހަވާލުކޮށްފައިވާ ކަމަށް އެމްއެންޑީއެފުން ބުންޏެވެ.
ޑްރޯން ބޭނުންކޮށްގެން މީގެ ކުރިން ވަނީ ރެސްކިއު އޮޕަރޭޝަންތައް ކާމިޔާބުކަމާއެކު ކުރިއަށްގެންގޮސްފައެވެ.
Advertisement
This content is created and paid for by advertisers and does not involve Voice Journalists
