ރައީސް ޔާމީން ވެރިކަމަށް ގެނައުމަށް ކުރާނެ އިތުރު ކަމެއް ދެން ނޯންނާނެ: ޤާސިމް

13 Oct 2018 | 10:12

ޖުމްހޫރީޕާޓީގެ ލީޑަރ ޤާސިމް އިބްރާހިމް އދ އަތޮޅަށް ކުރައްވަމުން ގެންދަވާ ދަތުރުފުޅުގައި ފެންފުށީ ރައްޔިތުންނާ މުހާތަބު ކުރައްވާ މިހާރުގެ ރައީސް އަބުދުﷲ ޔާމީން ވެރިކަމަށް ގެނައުމަށް ކުރާނެ އިތުރު އެއްވެސް މަސައްކަތެއް ދެން ނޯންނާނެކަމުގައި ޤާސިމް އިބްރާހިމް ވިދާޅުވެއްޖެއެވެ.

ޖޭޕީގެ ލީޑަރު މިހެން ވިދާޅުވެފައި މިވަނީ ޕީޕީއެމް އިން އިންތިޚާބުގެ މައްސަލަ ސުޕްރީމްކޯޓަށް ވައްދާފައިވާ މައްސަލާއާއި ޖޭޕީއާއި ގުޅުވައިގެން އެތައްތުހުމަތު ތަކެއް ބައެއް ފަރާތްތަކުން ކުރަމުންދާ ދަނޑިވަޅެއްގައެވެ.

މިކަމަށް ރައްދު ދެއްވާ ވާހަކަ ދައްކަމުން ގާސިމް އިތުރަށް ވިދާޅުވީ ރައީސް ޔާމީންގެ ވެރިކަމަށް ގެނައުމަށް އެއްވެސް މަސައްކަތެއް ނުކުރައްވާނެ ކަމަށް މީގެކުރިންވެސް ދަންނަވާފައި ވާނެ ކަމަށެވެ. ވީމާ ޖޭޕއޭކިޔައިގެން މިހާރުފަތުރަމުން އެދައްކާ ވާހަކަތަކަކީ އެއްވެސް ހަގީގަތެއްނެތް ވާހަކަތަކެއް ގޮތުގައި ގާސިމް ވަނީ ސިފަކުރައްވާފައެވެ.

"ސުޕްރީމްކޯޓަށް ޕީޕީއެމުން މައްސަލަ ވެއްދުމާ ގުޅިގެން އެބަ އަޑުއަރުވަމުންދޭ ޖުމްހޫރީޕާޓީ މި ކޯލިޝަނުން ވަކިވެގެން ސަރުކާރު ސައިޑަށް ދަނީއޭ. ތަފާތު ވައްތަރުގެ ޕްރޮޕެގެންޑާ ފަތުރަމުން އެބަދޭ. އަޅުގަނޑު ދަންނަވާލަން އޮތީ އަޅުގަނޑުމެން މިތިބީ ވަރަށް ސާބިތުކަމާއެކުގައޭ. އަޅުގަނޑު ދަންނަވާފަ އޮންނާނީ އަޅުގަނޑު އަބުދުﷲ ޔާމީން ވެރިކަމަށް ގެނައުމަށް އަޅުގަނޑުދެން ދުވަހަކުވެސް އެއްވެސް މަސައްކަތެއް ނުކުރާނެކަމަށް. އަޅުގަނޑު ދެންނެވިން އަބްދުﷲ ޔާމީނަށްވެސް އެމަނިކުފާނު ވެރިކަމަށް ގެނައުމަށްޓަކައި އަޅުގަނޑު އެއްވެސް މަސައްކަތެއް ނުކުރާނަމޭ. އަދި އަޅުގަނޑުމެން ޕީޕީއެމް މިއަދު އޮތްގޮތަށް އޮވެގެން އަޅުގަނޑުމެން ހަދާނެ ކޯލިޝަނެއްވެސް ނޯންނާނެކަން ހަމަ ކަށަވަރު." ޤާސިމް ވިދާޅުވި އެވެ.

މިދަތުރުފުޅުގައި ގާސިމްގެ އިބްރާހިމްގެ އިތުރުން އަނބިކަނބަލުން އައިޝަތު ނަހުލާ އާއި ޖޭޕީގެ ރައީސް އަލީ ވަހީދު އާއި ޖޭޕީގެ އިސް ވެރިން ބައިވެރިވެ ވަޑައިގަންނަވައެވެ.

ގާސިމް އަނބިކަނބަލުން ވަނީ ފެންފުށީ ރައްޔިތުން ގާސިމްގެ ޓީމް އަށް ދެއްނެވީ ހޫނު މަރުހަބާއަށް މަރުހަބާ ދަންނަވާފައެވެ. މީގެ އިތުރުން ގާސިމް ފެންފުއްޑަށް ވަޑައިނެވުމުން ރައްޔިތުންގެ މޫނުމަތިން އުފާވެރިކަން ފެނިގެން ދިޔަކަމުގައި ވިދާޅުވިއެވެ. 

Advertisement

ކޮމެންޓް