މިދިޔަ އެޕްރީލް މަހު އަންހެނުންނާއި ފިރިހެނުންނަށް ކުރާ އަނިޔާގެ 44 މައްސަލައެއް އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއަށް ހުށައަޅާފައިވާ ކަމަށް ތަފާސް ހިސާބުތަކުން ދައްކައިފި އެވެ.

އެ ވުޒާރާ އިން ބުނީ މި ބާވަތުގެ މައްސަލަތަކުގެ ތެރެއިން އެންމެ ގިނައިން ރިޕޯޓުކޮށްފައިވަނީ ޖިސްމާނީ ގޮތުން ކުރާ އަނިޔާގެ މައްސަލަ ކަމަށެވެ. މި ބާވަތުގެ 28 މައްސަލައެއް ވަނީ ރިޕޯޓުކޮށްފަ އެވެ.

އަންހެނުންނާއި ފިރިހެނުންނަށް ކުރާ އަނިޔާގެ ތެރޭގައި، ނަފްސާނީ އަނިޔާކުރުމާއި، އަނގަބަހުން ކުރެވޭ އަނިޔާގެ އަށް މައްސަލައެއް ވެސް ހިމެނެ އެވެ. އަދި، ބިރުދެއްކުމުގެ ގޮތުން ކުރެވޭ ކަންކަމުގެ ފަސް މައްސަލަ އަކާއި ޖިންސީ ހާނިކަކުރުމުގެ ދެ މައްސަލައެއް މިދިޔަ މަހު ހުށައަޅާފައިވެ އެވެ.

މީގެ އިތުރުން ހިފެހެއްޓުމުގެ ދެ މައްސަލަ އަކާއި ގަދަކަމުން ޖިންސީ ގޯނާ ކުރުމުގެ ދެ މައްސަލައިގެ އިތުރުން، މުދާ ހިފަހެއްޓުމާއި މުދަލަށް ގެއްލުން ދިނުމުގެ މައްސަލައެއް ވެސް ވަނީ ރިޕޯޓް ކޮށްފަ އެވެ.

ވުޒާރާގެ ތަފާސް ހިސާބުތަކުން ދައްކާ ގޮތުގައި މިއީ އަންހެނުންނާއި ގުޅޭ 40 މައްސަލައަކާއި ފިރހެނުންނައި ގުޅޭ ހަތަރު މައްސަލައެކެވެ.