އެމްޑީޕީގެ ”ރަން ރީނދޫ“ ދުވުން އަނެއްކާވެސް ފަސްކޮށްފި
އެމްޑީޕީއަށް 20 އަހަރުފުރުމާ ގުޅިގެން ބާއްވާ ”ރަން ރީނދޫ“ ދުވުން ބާއްވާ ތާރީޚް އަނެއްކާވެސް ފަސްކޮށްފިއެވެ.
އެމްޑީޕީން މިއަދު ބުނީ، ފުލުހުންގެ އެހީތެރިކަމާއެކު، އަންނަ އޮގަސްޓްމަހުގެ 1 ވަނަ ދުވަހު ރަން ރީނދޫ ދުވުން ބޭއްވޭ ގޮތަށް ހަމަޖެހިފައިވާ ކަމަށެވެ. އަދި މިކަމުގެ އިތުރު މައުލޫމާތު ފަހުން ހިއްސާކުރާނެ ކަމަށެވެ.
މި ދުވުން އޮންނާނީ މާދަމާ ހަވީރު 4:00-6:00 އަށެވެ. ދުވުން ފަށާަނީ އާޓިފިޝަލް ބީޗު ސަރަހައްދުންނެވެ.
އެމްޑީޕީން "ރަން ރީނދޫ"ގެ ނަމުގައި ދުވުމެއް ބާއްވަން އެންމެ ފުރަތަމަ ނިންމީ މިމަހު 18 ވަނަ ދުވަހު ހުޅުމާލޭ ސެންޓްރަލް ޕަރކް ވަށައިގެން އޮންނަ ބަގީޗާ ހިނގުމުގައެވެ.
ނަމަވެސް އޭރު އެތަނުގައި ސިޔާސީ ހަރަކާތެއް ބާއްވަން ހުއްދަ ނުދެވޭނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބުނުމުން އެ ދުވުން މާލެއަށް ބަދަލު ކޮށް، މާދަމާ ހަވީރު 4:00-6:00 ބާއްވާ ގޮތަށް ނިންމިއެވެ.
އެމްޑީޕީއަށް 20 އަހަރު ފުރުން ފާހަގަކުރުމުގެ ގޮތުން ބާއްވާ މި ދުވުމަކީ އެ ޕާޓީގެ ދަންމަރެއް ހިފައިގެން ރާއްޖޭގެ ކޮންމެ ރަށެއްގައި ބާއްވަން ހަމަޖެހިފައިވާ ދުވުމެކެވެ. ދުވުން ނިންމަން ހަމަޖެހިފައި ވަނީ އަންނަ އަހަރުގެ މެއި މަހު އެވެ.
Advertisement
This content is created and paid for by advertisers and does not involve Voice Journalists
