މާނަހުރިގޮތެއްގައި ދެ ޤައުމުގެ ދެމެދުގައި މަޝްވަރާތައް ކުރެވިގެންދާނެ: ލަންކާގެ ރައީސް
ދިވެހިރާއްޖެއަށް ކުރައްވާ ދަތުރުފުޅުގެ ތެރެއިން މާނަހުރި ގޮތެއްގައި އެކިއެކި ދާއިރާތަކުން މަޝްވަރާތައް ކުރެވިގެންދާނޭކަމަށް އަވައްޓެރި ސްރީލަންކާގެ ރައީސް އަނުރަ ކުމާރަ ދިސާނަޔަކަ ވިދާޅުވެއްޖެއެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ދައުވަތަކަށް ކުރައްވާ ފުރަމާނަ ދަތުރުފުޅެއްގައި ލަންކާގެ ރައީސް ދިސާނަޔަކަ ވަނީ މިއަދު ހެނދުނު ރާއްޖެ ވަޑައިގަންނަވާފައެވެ.
ރާއްޖެއަށް ވަދައިގަތުމަށްފަހު އެމަނިކުފާނުގެ އެކްސް އެކައުންޓުގައި ކުރެއްވި ޕޯސްޓެއްގައި ވިދާޅުވީ މި ދަތުރުފުޅުައި ރާއްޖެއާއެކު އެކިއެކި ދާއިރާތަކުން މާނަހުރި ގޮތެއްގައި މަޝްވަރާތައް ބެއްވުމަށް ހަމަޖެހިފައިވާކަމަށެވެ. އަދި މި މަޝްވަރާތަކުގެ އަލީގައި އެ ދާއިރާތަކުން ދެ ޤައުމުގެ ދެމެދުގައި އެއްބަސްވުންތައް އެކުލަވާލާނޭކަމަށް ލަންކާގެ ރައީސް ވަނީ ވިދާޅުވެފައެވެ.
މިއީ ލަންކާގެ ރައީސްކަމުގެ މަގާމާ ހަވާލުވެ ވަޑައިގެންނެވުމަށްފަހު އަނުރަ ކުމާރަ ދިސާނަޔަކަ ރާއްޖެއަށް ކުރެއްވި ފުރަތަމަ ދަތުރުފުޅެވެ. ސްރީލަންކާގެ ރައީސް އަނުރަ ކުމާރަ ޑިސަނަޔަކައިގެ މި ދަތުރުފުޅުގައި ރަސްމީ މަޝްވަރާތައް ކުރިއަށް ގެންދިއުމަށް ހަމަޖެހިފައިވާކަމަށް ރައީސް އޮފީހުން ވަނީ މީގެކުރިން ވަނީ ބުނެފައެވެ. ހަމައެއާއިއެކު ދެ ޤައުމުން އެކިދާއިރާތަކުން އެއްބާރުލުން އިތުރުކުރުމަށް މަޝްވަރާކުރެއްވުމަށް ހަމަޖެިފައިވާކަމަށްވެސް ރައީސް އޮފީހުން ބުނެއެވެ.
Advertisement
This content is created and paid for by advertisers and does not involve Voice Journalists
