ލަންކާގެ ރައީސަށް ރަސްމީ ގޮތުން މަރްހަބާ ދަންނަވައިފި
ރަސްމީ ދަތުރުފުޅެއްގައި މިއަދު ރާއްޖެ ވަޑައިގެންނެވި ސްރީލަންކާގެ ރައީސް އަނޫރާ ކުމާރާ ޑިސަނާޔަކެ، ދިވެހި ސަރުކާރުން ރަސްމީ ގޮތުން މަރްހަބާ ދަންނަވައިފި އެވެ.
ރައީސް އަނޫރާ ކުމާރާ ޑިސަނާޔަކެ، އަށް ރަސްމީކޮށް މަރުހަބާ ދެންނެވުން އޮތީ ޖުމްހޫރީ މައިދާނުގަ އެވެ. މި ރަސްމިއްޔާތަށް، ލަންކާގެ ރައީސް ޖުމްހޫރީ މައިދާނަށް ވަޑައިގެންނެވުމުން އެމަނިކުފާނަށް ރަސްމީކޮށް މަރުހަބާ ދެންނެވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
ލަންކާގެ ރައީސަށް ރަސްމީ ގޮތުން މަރްހަބާ ދެންނެވުން -- ފޮޓޯ: ވޮއިސް
މަރުހަބާ ދެންނެވުމުގެ ގޮތުން ސްކޫލު ދަރިވަރުންގެ ސަގާފީ ހުށަހެޅުމެއްގެ އިތުރުން ރައީސް ޑިސަނާޔަކެގެ ޝަރަފުގައި 21 ބަޑީގެ ސަލާމެއް ވަނީ އަރުވާފައެވެ. އަދި ދެ ގައުމުގެ ގައުމީ ސަލާމް ވަނީ ކުޅެފަ އެވެ.
އޭގެ ފަހުން ރައީސް ޑިސަނާޔަކެ ވަނީ، އެމަނިކުފާނުގެ ޝަރަފުގައި އޮތް ޝަރަފްގެ ގާޑް، އިންސްޕެކްޓް ކޮށްދެއްވާފަ އެވެ. އަދި ދިވެހި ދައުލަތުގެ ވަޒީރުންނަށް މަރްހަބާ ވިދާޅުވެ ތައާރަފުވެވަޑައިގަތުމާއި ލަންކާގެ ވަފުދުގެ ބޭފުޅުން ތައާރަފުކޮށްދެއްވުން ވެސް އޮތެވެ.
ލަންކާގެ ރައީސަށް ރަސްމީ ގޮތުން މަރްހަބާ ދެންނެވުން -- ފޮޓޯ: ވޮއިސް
އޭގެ ފަހުން އެމަނިކުފާނު ވަނީ ރައީސް އޮފީހަށް ވަޑައިގެން އިއްްޒަތްތެރީން ސޮއިކުރައްވާ ފޮތުގައި ސޮއިކުރައްވާފަ އެވެ. އަދި ދެ ބޭފުޅުން ވަނީ އެކުގައި ފޮޓޯފުޅެއް ނަންގަވާފަ އެވެ.
ލަންކާގެ ރައީސަށް ރަސްމީ ގޮތުން މަރްހަބާ ދެންނެވުން -- ފޮޓޯ: ވޮއިސް
ރަސްމީ ދަތުރުފުޅެއްގައި ލަންކާގެ ރައީސް ރާއްޖެ ވަޑައިގެންނެވީ މިއަދު ހެނދުނު އެވެ.
Advertisement
This content is created and paid for by advertisers and does not involve Voice Journalists
