ނަމާލް ހައްޔަރު ކުރުމުގެ އަމުރެއް ނެރެފި، ހުންނެވީ ރާއްޖޭގައި
ލަންކާގެ ނުފޫޒުގަދަ ޒުވާން ސިޔާސީ ލީޑަރު ނަމާލް ރާޖަޕަކުސަ ހައްޔަރު ކުރުމުގެ އަމުރެއް އެ ގައުމުގެ ކޯޓަކުން ނެރެފި އެވެ.
ކޯޓުން އެފަދަ އަމުރެއް ނެރުނީ މިހާރު ހިނގަމުންދާ ޝަރީއަތްތަކާއި ގުޅިގެން ކޯޓަށް ހާޒިރުނުވެ އުޅުއްވާތީ އެވެ. މި އަހަރު ނެރުނުއިރު ނަމާލު ހުންނެވީ ރާއްޖޭގަ އެވެ.
ލަންކާއަށް ބޮޑު ބަދަލެއް ގެންނެވި ކުރީގެ ރައީސް މަހިންދަ ރާޖަޕަކްސާގެ ދަރިކަލުން ނަމާލު ރާއްޖެ ވަޑައިގެންނެވީ މިއަދު އެވެ. ލަންކާގެ ނޫސްތަކުން ރިޕޯޓް ކުރާ ގޮތުގައި ނަމާލު ރާއްޖެ ވަޑައިގެންނެވީ ސްރީލަންކާގެ ރައީސް އަނޫރާ ކުމާރާ ޑިސަނާޔަކެ، ފުރަމާނަ ދަތުރުފުޅެއްގައި މިއަދު ރާއްޖެ ވަޑައިގެންނެވި ފްލައިޓުންނެވެ.
ނަމާލު ރާއްޖެ ވަޑައިގެންނެވީ ކައިވެނި ހަފްލާއެއްގައި ބައިވެރިވުމަށް ކަމަށް ވެސް މީޑިއާ ރިޕޯޓްތަކުގައިވެ އެވެ. ނަމާލް އަކީ ދިވެހި ސިޔާސީ ލީޑަރުންނާއި ވަރަށް ގާތްގުޅެއް އޮންނަ ބޭފުޅެކެވެ.
Advertisement
This content is created and paid for by advertisers and does not involve Voice Journalists
