2023 ވަނަ އަހަރު މިނިސްޓްރީ އޮފް ފޮރިން އެފެއާޒްގެ ހަރަދުތައް ކޮށްފައިވަނީ ދައުލަތުގެ މާލިއްޔަތު ޤަވާއިދުތަކާ އެއްގޮތަށްކަމަށް އޮޑިޓަރ ޖެނެރަލް ވިދާޅުވެއްޖެއެވެ.
އޮޑިޓަރ ޖެނެރަލް ހުސައިން ނިޔާޒީ ސޮއިކުރައްވައި ނެރުއްވާފައިވާ ހާރިޖީ ވުޒާރާގެ 2023 ވަނަ އަހަރުގެ ކޮމްޕްލަޔަންސް އޮޑިޓް ރިޕޯޓްގައި ބުނެފައިވަނީ، އެ ވުޒާރާގެ ބަޖެޓުން ހަރަދުކޮށްފައިވަނީ، އެ އަހަރަށް ފާސްކޮށްދިން ބަޖެޓްގައި ކަނޑައަޅާފައިވާ މިންވަރަށްކަމަށެވެ. އެގޮތުން 2023 ވަނަ އަހަރުގެ އެހެނިހެން މާލީ ކަންކަން މައިގަނޑު ގޮތެއްގައި ހިންގާ ބަކަހައްޓާފައިވަނީ ދައުލަތުގެ މާލިއްޔަތު ޤާނޫނާއި، ދައުލަތުގެ މާލިއްޔަތާ އެއްގޮތްވާގޮތުގެ މަތިން ކަމަށެވެ.
ރައްޔިތުންގެ މަޖިލީހުން 2023 ވަނަ އަހަރު ހާރިޖީ ވުޒާރާއަށް 378 މިލިއަން ރުފިޔާގެ ބަޖެޓެއް ވަނީ ފާސްކޮށްދީފައެވެ. ބަޖެޓުން 331 މިލިއަން ރުފިޔާ ހޭދަކުރެވުނުއިރު، ބާކީ އޮތީ 47 މިލިއަން ރުފިޔާއެވެ.
އޮޑިޓަރ ޖެނެރަލް ނެރުއްވާފައިވާ ހާރިޖީ ވުޒާރާގެ 2022 ވަނަ އަހަރުގެ އޮޑިޓްގައިވެސް، މައްސަލައެއް ނެތްކަމަށް އޮޑިޓަރ ޖެނެރަލް ވަނީ ފާހަގަކުރައްވާފައެވެ.
Advertisement
This content is created and paid for by advertisers and does not involve Voice Journalists
