މިހާރު މަޖިލީހުގެ ކޮމިޓީގައިވާ މީޑިއާ ބިލުގައި ގާނޫން އަސާސީއާ ތައާރަޒުވާ އެއްވެސް ކަމެއް ނެތް ކަމަށް ރައްޔިތުންގެ މަޖިލީހުގެ ކައުންސެލް ޖެނެރަލް އަލްއުސްތާޛާ ފާތިމަަތު ފިލްޒާ ލަފާ ދެއްވައިފި އެވެ.
އެކަމަނާ މި ލަފާ ދެއްވީ މިއަދު އޮތް މިނިވަން މުއައްސަސާތަކާއި ބެހޭ ކޮމެޓީންނެވެ. އެ ކޮމެޓީ ބައްދަލްވުމުގައި ކައުންސެލް ޖެނެރަލް ވަނީ ބިލަށް ބައެއް ހުށައެޅުންތައް ހުށައަޅުއްވާފަ އެވެ. އެ ހުށައެޅުންވުންތަކާއި ގުޅިގެން ކޮމެޓީން ވަނީ އަލުން ބިލް ފާސްކޮށްފަ އެވެ.
ބިލް ފާސްކުރީ ކައުންސެލް ޖެނެރަލްގެ އިސްލާހުތަކާއެކު އެވެ. އެ ކޮމެޓީގައި ފިލްޒާ ވަނީ މީޑިއާ ބިލުގައި ގާނޫން އަސާސީއާ ތައާރަޒުވާ އެއްވެސް ކަމެއް ނެތް ކަމަށް ލަފާ ދެއްވާފަ އެވެ. އަދި ގާނޫން އަސާސީއިން ލިބިދީފައިވާ އެއްވެސް ހައްގަކަށް އުނިކަން ނާންނާނެ ކަމަށް ވިދާޅުވި އެވެ.
ތުޅާދޫ ދާއިރާގެ މެންބަރު އަބްދުލް ޙަންނާނު އަބޫބަކުރު ހުށަހަޅުއްވާފައިވާ މީޑީޔާގެ ރެގިއުލޭޓަރީ ބިލާ ދެކޮޅަށް ވަރަށް ގިނަ ނޫސްވެރިން ވަނީ ޚިޔާލު ފާޅުކޮށްފައެވެ. އެގޮތުން ނޫސްވެރިންގެ ޚިޔާލު ހޯދުމަށް އެ ކޮމެޓީން މި މަހުގެ ފުރަތަމަ ދުވަހު ބޭއްވި ކޮމެޓީގެ ޖަލްސާގައި ވެސް ހުރިހާ ނޫސްވެރިން ވަނީ އެ ބިލާ ގުޅޭ ގޮތުން ހުރި ކަންބޮޑުވުންތައް ހިއްސާކޮށްފައެވެ.
އަދި އެ ބިލު ބޭރުކުރުމަށް ގޮވާލައި 150 އަށް ވުރެ ގިނަ ނޫސްވެރިންގެ ސޮޔާއެކު، ނޫސްވެރިންގެ ޖަމިއްޔާ އެމްޖޭއޭއިން ވަނީ މަޖިލީހަށާއި ރައީސް އޮފީހަށް ޕެޓިޝަނެއް ވެސް ހުށަހަޅާފައެވެ.
އެ ޕެޓިޝަނާ ގުޅިގެން މިއަދު އެކެއް ޖެހިއިރު މަޖިލީހުގެ ޕެޓިޝަން ކޮމެޓީން ވަނީ ބައްދަލުވުމެއް ވެސް ބާއްވާފައެވެ. ކޮމެޓީން ވަނީ އެ ޕެޓިޝަން ބޭރުކޮށްލާފަ އެވެ.
މީޑިއާ ބިލާމެދު އޮތް ކަންބޮޑުވުންތަކާއި ގުޅިގެން ސަރުކާރުން ވަނީ 14 އިސްލާހެއް ހުށައަޅާފަ އެވެ. އެ އިސްލާހުތަކާއެކު މައިގަނޑު ހުރިހާ ކަންބޮޑުވުންތަކަށް ހައްލު ލިބޭނެ ކަމަށް ސަރުކާރުން ވަނީ ބުނެފަ އެވެ. ބައެއް ނޫސްވެރީން ވެސް ވަނީ އެ ބިލް މިހާރު އޮތްގޮތަށް ފާސްކުރަން ތާއީދު ކުރާކަން ހާމަކޮށްފަ އެވެ.
Advertisement
This content is created and paid for by advertisers and does not involve Voice Journalists
