ޖުމްހޫރީ ޕާޓީގެ ލީޑަރު އަދި މަޝްހޫރު ވިޔަފާރިވެރިޔާ ގާސިމް އިބްރާހިމަށް އެޑްމިޓްކޮށްގެން ފަރުވާ ދެމުންދާ ކަމަށާ ނަމަވެސް ހާލުކޮޅު ރަނގަޅު ކަމަށް އެމަނިކުފާނުގެ އަރިސް ބޭފުޅަކު ވިދާޅުވެއްޖެ އެވެ.
އިއްޔެއިން ފެށިގެން ގާސިމަށް ދަނީ އެޑްމިޓްކޮށްގެން ފަރުވާ ދެމުންނެވެ. އުމުރުފުޅުން 74 އަހަރުފުޅުގައި ގާސިމް އެޑްމިޓްކޮށް ފަރުވާ ދޭން ފެށީ އަމިއްލަފުޅު ރިސޯޓް -- ސަން އައިލެންޑްގައި ހުންނަވަނިކޮށް ހާލުކޮޅު ދެރަވެގެންނެވެ.
ނަމަވެސް މިހާރު ހާލުކޮޅު މުޅީން ރަނގަޅު ކަަމަށް އެނގިފައިވެ އެވެ.
ރާއްޖޭގައި އުފެދުނު އެންމެ ކާމިޔާބު ވިޔަފާރިވެރީންގެ ތެރޭގައި ވެސް ހިމެނިވަޑައިގަންނަވާ ގާސިމަކީ އެމަނިކުފާނުގެ ވިޔަފާރީގެ ފައިދާއިން ވަރަށް ގިނަ ދިވެހީންނަށް އެކި މިންވަރަށް އެހީތެރިކަން ފޯރުކޮށް ދެއްވާފައިވާ ބޭފުޅެކެވެ. އަދި ވަަރަށް ގިނަ ރަށްރަށުގެ ތަރައްގީއާ ކުރިއެރުމަށް ވެސް ގިނަ އެހީތެރިތަކެއް ދެއްވާފައިވެ އެވެ.
އެކަމުގެ އަގު ވަޒަންކުރެއްވުމުގެ ގޮތުން އެމަނިކުފާނަށް ދައުލަތުން ވަނީ އެތައް ޝަރަފެއް އަރުވާފަ އެވެ.
Advertisement
This content is created and paid for by advertisers and does not involve Voice Journalists
