ވިސާއާ ނުލައި ދިވެހިންނަށް އަޒަރުބައިޖާނަށް ދެވޭ ގޮތަށް ހަމަޖައްސައި އެއްބަސްވުމުގައި ދިވެހި ސަރުކާރުން މިއަދު ސޮއިކޮށްފިއެވެ.
މި އެއްބަސްވުމުގައި ސޮއިކޮށްފައިވަނީ ނިއު ޔޯކްގައި މިހާރު ކުރިއަށްދާ 80 ވަނަ އދ.ގެ އާންމު މަޖިލީހުގެ ހަވާސާގެ ތެރެއިންނެވެ. އެގޮތުން މި އެއްބަސްވުމުގައި ދިވެހި ސަރުކާރުގެ ފަރާތުން ފޮރިން މިނިސްޓަރު ޑރ. އަބްދުﷲ ހަލީލްއެވެ. އަދި އަޒަރުބައިޖާން ސަރުކާރުގެ ފަރާތުން އެ ގައުމުގެ ފޮރިން މިނިސްޓަރު ޖޭހުން ބައިރަމޯވްއެވެ.
މި އެއްބަސްވުމާ އެކު ދިވެހިންނަށް ވިސާއާ ނުލާ އަޒަރުބައިޖާނަށް އެތެރެވެވޭނެ އެވެ. އެގޮތުން ވިސާއާ ނުލާ 90 ދުވަހުގެ މުއްދަތަކަށް ދިވެހިންނަށް އަޒަރުބައިޖާނުގައި ތިބެވޭނެ އިރު، އެ ގައުމުގައި ވިސާއާ ނުލާ ޓްރާންސިޓު ވެސް ވެވޭނެއެވެ.
މީގެ ކުރިން ސަރުކާރުން ވަނީ ޑިޕްލޮމެޓިކް އަދި އޮފިޝަލް ޕާސްޕޯޓުގައި ވިސާއާ ނުލާ އެ ގައުމަށް ދިވެހިންނަށް ދަތުުރުކުރެވޭ އެއްބަސްވުމެއްގައި ސޮއިކޮށްފައެވެ. އެހެންކަމުން މި އެއްބަސްވުމާއެކު އޯޑިނަރީ ޕާސްޕޯޓުގައި ވެސް ދިވެހީންނަށް ވިސާއާ ނުލައި އެގައުމަށް ވަދެވޭނެއެވެ.
Advertisement
This content is created and paid for by advertisers and does not involve Voice Journalists
