ޕާޓީން ވަކިކުރުމުން ވަގުތުން ގޮނޑި ގެއްލޭ ގޮތަށް މިދިޔަ އަހަރު ގާނޫނު އަސާސީއަށް ގެނެވުނު ބަދަލު، އެގޮތުގައި ބާއްވަން ކޮމިޓީން ނިންމައިފިއެވެ.
ރައްޔިތުން މަޖިލީހުގެ މެމްބަރަކު ޕާޓީ ބަދަލުކޮށްފިނަމަ އެ މެމްބަރެއްގެ ގޮނޑި ގެއްލުމުގެ ކުރިން އެ ދާއިރާއަކަށް ނިސްބަތްވާ މެމްބަރުންގެ ފެންނަ ނުފެންނަ ވޯޓެއް ނަގަންޖެހޭގޮތަށް ޤާނޫނަށް އިސްލާހް ހުށަހެޅުއްވީ މިމަހުގެ 16ގަ އެވެ.
ވެރިކަންކުރާ ޕީއެންސީގެ ނައިބު ރައީސް އަދި ބާރަށު ދާއިރާގެ މެންބަރު އިބްރާހީމް ޝުޖާއު ހުށަހެޅުއްވި މި އިސްލާހްގައި ބުނެފައިވަނީ ޕާޓީ ބަދަލުކުރުމުން ގޮނޑިގެއްލޭކަމަށް އޮތްނަމަވެސް މެމްބަރެއްގެ ގޮނޑި ގެއްލޭނޭކަމަށް ނިންމޭނީ އެ މެމްބަރެއް ނިސްބަތްވާ ދާއިރާގެ ރައްޔިތުންގެ މެދުގައި ނެގޭ ފެންނަ ނުފެންނަ ވޯޓަކަށްފަހުގައިކަމަށެވެ.
މިއަދު ބޭއްވި މުޅި މަޖިލީހުގެ ކޮމިޓީ ބައްދަލުވުމުގައި ފުނަދޫ ދާއިރާގެ ޕީއެންސީ މެންބަރު މުހައްމަދު މަމްދޫހު ވަނީ، މެންބަރުން ޕާޓީން ވަކިކުރުމުން ، ވަގުތުން ގޮނޑި ގެއްލުމުގެ ބަދަލުގައި ދާއިރާގެ ވޯޓަށް އަހާގޮތަށް ހިމަނާފައިވާބައި އުނިކުރަން ހުށަހަޅުއްވާފައެވެ. އެ ހުށަހެޅުމަށް ފޭދޫ ދެކުނު ދާއިރާގެ ޕީއެންސީ މެންބަރު އިބްރާހިމް ދީދީ (އައިބީ) ވަނީ ތާއީދު ކުރައްވާފައެވެ.
އެ މައްސަލާގައި މިއަދު ނެގުނު ވޯޓުގައި 50 މެންބަރުން ވަނީ މަމްދޫހުގެ ހުށަހެޅުމަށް ތާއީދު ކުރައްވާފައެވެ. ހުށަހެޅުއްވުމާ ދެކޮޅަށް ވޯޓު ދެއްވީ އަށް މެންބަރުންނެވެ. ވަކި ގޮތަކަށް ވޯޓު ނުދެއްވާ ދެ މެންބަރުން ތިއްބެވިއެވެ.
Advertisement
This content is created and paid for by advertisers and does not involve Voice Journalists
